Video
Read full review
2022-12-26
94 views
哈哈哈 因為我就快生日啦 但遲啲朋友要去旅行 唔得閒同我慶祝 所以提早慶祝一下🐷 好開心加以又食omakase🤣🤣.呢間餐廳個師傅係真係日本人嚟👍🏻 佢係講日文嘅 不過當佢上菜嘅時候為咗可以介紹到個壽司 佢都會講完日文講一次廣東話（個魚嘅名） 🤣🤣 雖然師傅講嘢有少少日本口音 但都聽得明 跟住就會有店員喺旁邊幫手翻譯同埋解釋🤩.🐷前菜 - 海帶+魚乾味道唔錯 個前菜唔會鹹 啲魚乾仲脆卜卜 的確幾好食🥹.🐷平目魚（香港叫法左口魚）壽司肉身彈牙同埋鮮嫰😍 浸味唔會好濃 清清地 幾好味.🐷深海池魚 壽司池魚嘅肉質相對第一款壽司（左口魚）較爽脆.🐷鱸魚 壽司鮮甜 魚味幾出.🐷青森縣 藍鰭吞拿魚 壽司師傅介紹話係用咗醬油漬做法 覺得佢嘅肉質不錯🤩 冇筋架‼️.🐷中拖羅 壽司有少許魚油味 都係冇筋 肉質不錯.🐷大拖羅 壽司魚油味道最出🤩 真係有入口即溶嘅感覺.🐷漬物牛蒡： 爽口 上面仲有少少白芝麻 幾好食大根： 都係爽口 幾鮮甜👍🏻.🐷車海老🦐 壽司師傅解釋呢個車海老係日本黎嘅 同其他國家嘅有少少唔同 日本產嘅個蝦尾係比較令身 呢隻蝦真心爽脆.🐷三文魚子⭐️⭐️⭐️⭐️⭐️勁大粒‼️‼️‼️三文魚子‼️一咬就爆開超爽
.
呢間餐廳個師傅係真係日本人嚟👍🏻 佢係講日文嘅 不過當佢上菜嘅時候為咗可以介紹到個壽司 佢都會講完日文講一次廣東話（個魚嘅名） 🤣🤣 雖然師傅講嘢有少少日本口音 但都聽得明 跟住就會有店員喺旁邊幫手翻譯同埋解釋🤩
.
🐷前菜 - 海帶+魚乾
味道唔錯 個前菜唔會鹹 啲魚乾仲脆卜卜 的確幾好食🥹
.
🐷平目魚（香港叫法左口魚）壽司
肉身彈牙同埋鮮嫰😍 浸味唔會好濃 清清地 幾好味
.
🐷深海池魚 壽司
池魚嘅肉質相對第一款壽司（左口魚）較爽脆
.
🐷鱸魚 壽司
鮮甜 魚味幾出
.
🐷青森縣 藍鰭吞拿魚 壽司
師傅介紹話係用咗醬油漬做法 覺得佢嘅肉質不錯🤩 冇筋架‼️
.
🐷中拖羅 壽司
有少許魚油味 都係冇筋 肉質不錯
.
🐷大拖羅 壽司
魚油味道最出🤩 真係有入口即溶嘅感覺
.
🐷漬物
牛蒡： 爽口 上面仲有少少白芝麻 幾好食
大根： 都係爽口 幾鮮甜👍🏻
.
🐷車海老🦐 壽司
師傅解釋呢個車海老係日本黎嘅 同其他國家嘅有少少唔同 日本產嘅個蝦尾係比較令身 呢隻蝦真心爽脆
.
🐷三文魚子⭐️⭐️⭐️⭐️⭐️
勁大粒‼️‼️‼️三文魚子‼️一咬就爆開超爽 超鮮甜‼️‼️ 同埋佢嘅醬油唔會鹹 下面仲有啲飯 撈埋好好食‼️‼️
.
🐷小肌 壽司
呢個小肌肉質幾厚實同埋鮮甜
.
🐷鰺 壽司
裏面包咗少少香蔥 加埋幾好食 鰺肉質都幾嫰滑👍🏻
.
🐷海膽 壽司
超creamy嘅海膽 份量都算充足 同埋好香 又唔會腥
.
🐷鯖魚 壽司
色澤幾靚 少少🤏🏻爽爽地嘅口感 同埋都係好鮮甜
.
🐷北寄貝 壽司
今次食嘅北寄貝同之前食過嘅唔同 因為之前食嘅有啲係熟咗嘅北寄貝 今次係食生嘅 所以一嚟到嘅時候 愚蠢嘅我都唔係好認得佢係乜嘢🤣🤣 呢個北寄貝好爽口 醬汁都好香‼️‼️
.
🐷吞拿魚蓉壽司卷
睇住師傅純熟嘅手勢包出嚟😍 好似睇緊表演咁樣 大飽眼福🤣🤣 裡面仲有蔥味 令成個壽司卷更加香 吞拿魚蓉 亦都整得好滑 有淡淡的香味
.
🐷海饅 （日本叫法： 穴子） 壽司
長知識了 平時冇乜點留意呢啲 淨係識得食食食 師傅就話俾我哋聽海饅同饅魚係有分別的
海饅在海 食香味
饅魚在湖 食油味
.
🐷蛋🥚
呢個蛋非常特別 睇落亦都好靚 賣相真係唔錯 師傅話呢一個煮法係日本江戶時期前 煮雞蛋嘅方法 蛋味勁香‼️‼️🥚🥚 同埋原來中間有蝦蓉 所以好creamy
.
跟住就去到甜品嘅部份啦‼️‼️
.
🐷藍莓乳酪
原來呢一個甜品係師傅整嘅🤣🤣 味道就好似食緊芝士蛋糕 仲有啲藍莓🫐醬 令到感覺fresh啲
.
🐷柚子雪芭
呢個係朋友叫嘅柚子雪芭 好fresh‼️超香柚子味‼️裡面有啲好細嘅柚子粒粒 令到成個雪芭有多一個層次嘅口感 有啲咬口👍🏻
.
總括嚟講覺得呢一間omakase很不錯 無論係師傅或者其他員工服務都超級好 店員見我係咁mark低啲野食 我問佢多啲關於啲魚嘅野佢都肯詳細咁樣答我 （對不起‼️我好少食呢啲野 唔係好識 見笑了🙇🏻♀️🙇🏻♀️） 而且會定期過嚟幫手斟水換茶 無論係入餐廳嘅時候定係離開餐廳嘅時候 店裏面嘅員工都非常熱情 👍🏻 同埋喺佢哋身上睇到一份專業 另外 餐廳環境都好乾淨✨✨ 推薦大家可以喺屋企人生日嘅時候帶佢哋去食下😍
.
味道👅：9/10
賣相👀：9/10
扺食💰：7.5/10
服務🙆🏻♀️：10/10
Post
