Odelice! (PopCorn 1)

中午突然想輕奢一下，所以就去咗依間餐廳食法國菜，而且有lunch Menu，所以成個配搭嘅性價比都唔錯。首先頭盤我分別叫咗一個沙律同埋三文魚，佢嘅沙律份量好夠，而且有牛油果，充滿營養，而煙三文魚配搭埋佢嘅多士，再加埋少少檸檬汁同埋佢嘅cream就變到非常之開胃。然後主菜方面，我哋分別叫咗個牛胸腹同埋海鮮鍋，兩個都唔會有太多嘅醬料作為配搭，所以可以純粹咁樣食到肉質本身嘅鮮味，而且兩者都會有薯仔作為配搭，所以非常之飽足。最後我哋仲加配咗一個芝士蛋糕，佢嘅芝士蛋糕係熱嘅，有別於出邊一般餐廳，而且佢食落嘅質感就好似雞蛋糕咁鬆軟，非常獨特。