Cafe Siam (The Plaza ) (Closed)

今晚同朋友係中環上堂，朋友上網搵到呢間泰國菜，上到黎去餐廳都有好多人，好彩岩岩好有一張2人枱。泰國菜必點：冬陰蝦湯，夠哂酸夠哂辣，好大隻蝦，蝦頭好多膏，超好味！🦐🦐🦐粉絲雜菜煲，個煲好豐富，有好多菜同菇，d粉絲吸哂個汁，唔會太咸👍🏻👍🏻因為我同朋友都係超中意食魚，所以叫左條泰式燒鱸魚，等左大概20分鐘，條魚燒到岩岩好，d魚肉仲好juicy，雖然佢有配到個酸辣汁，但我自己覺得唔配汁條魚都夠香夠鮮味，我地兩個人用左15-20分鐘就食哂成條魚🤣😋行完斜路上黎，飲埋個冰凍既椰青就岩岩好啦！