SO! BangKok Thai Eatery & Desserts (Under Renovation)

SO! Bangkok的室內裝修相當雅緻，好似去咗泰國商場入面啲餐廳咁。室外座位就特別適合小朋友同一家大細。食物方面叫咗泰式海南雞飯、沙嗲牛雞豬肉串、泰式炸蝦餅、安格斯牛扒沙律。尤其推薦安格斯牛扒沙律，牛肉份量足料，口味亦都唔會太辣，酸酸地啱晒而家呢啲悶熱嘅天氣。泰式蝦餅一份已經有6塊，炸得非常香口，蝦餅亦都非常彈牙值得一讚👍🏻鍾意食海南雞飯嘅人就唔好錯過，一樣係足料味道亦都唔錯。最後仲叫咗杯泰式冰鎮奶茶加珍珠，泰奶個甜度適中最啱當係甜品完結滿足嘅一餐。