浜燒太郎 (Closed)

一直都聽過將軍澳變左好多又多在好多屋苑，所以都有好多餐廳，今次朋友就帶我黎呢到食。估唔到係海邊都有間咁有特色既日本餐廳。 餐廳仲做緊優惠，有得限時內任夾海鮮，只要用150蚊左右就可以係餐廳既海鮮缸任夾海鮮30秒，若果對自己筷子功有信心既可以試下！之後仲會自己燒！我同朋友就夾左30秒，不過太緊張，所以未發揮得好好，下次一定要再夾過! 食日本菜食壽司就最合適不過，呢個等上壽司盛合好正，唔算好貴但份量十足，每一件壽司都好大份，上面既刺身蓋過哂壽司，而且每一件刺身都好新鮮好有肉感。特別推介拖羅壽司，拖羅屬於厚切，加上本身好肥美既口感，食落油脂甘香。另外亦想推介三文魚籽軍艦，每一粒魚籽都好大粒好有鹹鮮味，一啖啖食落真係好正。 呢度既串燒都唔錯，我就叫左大蔥雞肉串、煙肉生蠔卷串、豚肉串同埋蘆筍豚肉串，肉類燒得好，而蔬菜亦燒得好fresh好新鮮。不過價錢都唔算好平，如果比較重質素既朋友可以試一試。 一向都好鍾意食炸蠔，因為生蠔既肥美加埋炸粉既酥脆口感真係好正。而呢個炸蠔可以話係我食過既頭幾位。唔單止有好多隻，而且每隻都算幾大，最抵讚既係生蠔真係好新鮮，加上炸到熟之餘又保持到生蠔既鮮味，就算唔點醬汁都