秘密花園燒烤場

Open Now

Now Closed

平安夜搵地方同男朋友食大餐撐枱腳，但係度度都好貴 突然間醒起呢個燒烤場，之前睇美食節目介紹過，想去試吓好耐，就WhatsApp問吓佢地聖誕節有無特別收費。好驚喜佢地節日無加收費用～ 好詳細咁send咗幾款套餐詳情同埋食物相片比我選擇，如果訂位先過數一半訂金就ok～ 呢度地方真係好秘密，我地係坐車去到將軍澳再轉的士嚟 走嘅時候都需要call車出去，所以如果同埋揸車嘅朋友同行會好好多～好慶幸我地揀咗呢度過平安夜，好用心嘅佈置～ 好靚呀🎄✨🌌～～呢度一個好大嘅賣點係，佢張燒烤檯圍住爐邊係檯面，方便大家放碟、刀叉，食得優雅，唔會咁狼狽～ 真係啱晒約會吖😆我地選擇咗$380海鮮套餐，有牛油扇貝、中蝦、鮑魚、象拔蚌仔、蜆。 海鮮只有一份無得任食，不過我覺得已經足夠海鮮好新鮮！鮑魚會跳舞放上火爐上係咁郁...其他可以任食嘅都好多選擇，其中我最鐘意佢地嘅豬頸肉同埋五花腩，五花腩醃料係叉燒醬，好惹味飲品每人有一個無酒精free drink，另外其他酒水都有得購買，我地叫咗一set啤酒$100/6罐溫馨提示，我地兩個人要收開爐費$100，四人以上可以free。