Shine (Closed)

經朋友介紹，尖沙咀有一間地方闊絡、坐又坐得舒服，重點係野食好味道，胃食嘅我當然第一時間book位啦！一出lift已看到長長嘅Bar台，而且檯面有盞蠟燭燈，感覺有種獨特的格調，非常浪漫。Shine 主打西餐、Pasta/Risotto就當然不可缺少，他們更有多款優質食材：羊架、黑毛豬、三文魚扒等...非常吸引。先來一個前菜、再來一個Pasta、最後點少得Main Course...真係見到都流口水🤤！香辣椰汁燴藍青口一來到已聞到香辣的椰汁香🥥，藍青口都沾滿了醬汁，味道微微香辣，更有一種椰汁香甜，鮮甜而惹味，食到停唔到口；還有香脆多士，輕點醬汁，更顯美味。北海道帶子明太子意粉配三文魚籽以香滑的忌廉醬汁加上明太子和三文魚籽，更添鮮味，還有微微香辣，非常Creamy；而且更有大大粒北海道帶子，外層金黃，但內裡還保持彈牙鮮嫩的口感，味道一流。燒安格斯肉眼扒5成熟的肉眼扒剛剛好，還有一陣陣的燒香味，食起來口感彈牙軟腍，肉汁豐富，輕點醬汁味道層次更豐富。