Video
Read full review
2024-06-06
660 views
同媽媽食飯，梗係搵間好坐又好味嘅中餐廳最穩陣。高質中菜餐廳-棽粵，就最適合不過啦！佢位於銅鑼灣謝斐道535號Tower 535 25樓。 有落地玻璃窗可以飽覽維港景色，裝潢亦典雅氣派，仲設有私人包房同露台茶座。 遠觀可望煙花景添！聽講餐廳由米芝蓮星級廚師坐陣，全新晚市精選套餐八道菜每位只係488蚊起。價錢都唔算太貴。鵝肝/海蜇頭/吊片 頭盤系三小碟形式，每人一份，賣相精美，橙味啫喱配鵝肝好夾，海蜇清爽，吊片即系魷魚，充滿蒽香。蜜汁叉燒以位呈上，每人一份，賣相唔錯嘅蜜汁叉燒肥瘦均稱，蜜汁甜而不膩，肉質軟嫩細膩。川貝陳皮水鴨燉湯非常養生嘅湯水超足料。用咗川貝陳皮煲水鴨，有助健脾功效， 好適合煩悶嘅夏天飲用，清補又好味，仲有淡淡果皮香。柚子片皮雞主菜大碟，雞皮薄脆但肉質軟嫩， 用咗柚子肉配搭，令雞肉充滿酸酸甜甜鮮味，好開胃！鳳梨咕嚕蝦球主菜，每人一份兩大隻蝦球，口感飽滿，啖啖肉嘅感覺，非常滿足，配上鳳梨，清甜開胃。濃湯鮮蕃淮山蔬苗菜苗吸收湯底精華，加上番茄淮山，營養豐富又好味。招牌安格斯牛炒飯分成兩份上，份量滿足，賣相唔錯，炒飯夠鑊氣，粒粒分明，牛肉粒香口。西施川貝雪梨茶賣相非常有驚喜，用豆
同媽媽食飯，梗係搵間好坐又好味嘅中餐廳最穩陣。高質中菜餐廳-棽粵，就最適合不過啦！
佢位於銅鑼灣謝斐道535號Tower 535 25樓。 有落地玻璃窗可以飽覽維港景色，裝潢亦典雅氣派，仲設有私人包房同露台茶座。 遠觀可望煙花景添！
聽講餐廳由米芝蓮星級廚師坐陣，全新晚市精選套餐八道菜每位只係488蚊起。價錢都唔算太貴。
鵝肝/海蜇頭/吊片
頭盤系三小碟形式，每人一份，賣相精美，橙味啫喱配鵝肝好夾，海蜇清爽，吊片即系魷魚，充滿蒽香。
蜜汁叉燒
以位呈上，每人一份，賣相唔錯嘅蜜汁叉燒肥瘦均稱，蜜汁甜而不膩，肉質軟嫩細膩。
川貝陳皮水鴨燉湯
非常養生嘅湯水超足料。用咗川貝陳皮煲水鴨，有助健脾功效， 好適合煩悶嘅夏天飲用，清補又好味，仲有淡淡果皮香。
柚子片皮雞
主菜大碟，雞皮薄脆但肉質軟嫩， 用咗柚子肉配搭，令雞肉充滿酸酸甜甜鮮味，好開胃！
鳳梨咕嚕蝦球
主菜，每人一份兩大隻蝦球，口感飽滿，啖啖肉嘅感覺，非常滿足，配上鳳梨，清甜開胃。
濃湯鮮蕃淮山蔬苗
菜苗吸收湯底精華，加上番茄淮山，營養豐富又好味。
招牌安格斯牛炒飯
分成兩份上，份量滿足，賣相唔錯，炒飯夠鑊氣，粒粒分明，牛肉粒香口。
西施川貝雪梨茶
賣相非常有驚喜，用豆腐雕在花，甜度適中，非常潤喉。
棽粵 (銅鑼灣)
銅鑼灣謝斐道535號Tower 535 25樓
Post
