一鍋瘋 (Closed)

父親節果排太忙冇時間慶祝，依家有時間當然要補祝返。爸爸最愛食海鮮，所以今次就帶佢去哩間一鍋瘋，一嘗高質海鮮之味。爸爸對海鮮要求頗高，所以揀左個價錢高啲既海鮮套餐，188蚊就可以食到10款生猛海鮮，絕對抵食。粥底湯有五款味道可選，我地分別揀左粟米同椰子湯。鐘意哩到一人一鍋，可以揀返自己最鐘意既口味，如果多幾個朋友黎，仲可以每人點一款，一次過試哂所有湯底😋。粥底味道好清偏淡，淥海鮮一流，唔會搶過海鮮味道👍🏻。海鮮盤賣相非常奢華，份量十足，上枱時仲聞到淡淡海水鮮味。店員教路要逐樣海鮮淥同食，味道先會更好更分明。哩十款海鮮來自世界國地，保證高質。新鮮既海鮮只要淥一淥，殼同肉質就會輕易分離。另外肉質會非常爽口彈牙，哩十款海鮮都成功通過👍🏻👍🏻，絕對高質。菲律賓肉蟹好多膏；蚌、鮑魚、北極貝大大隻，食落非常有口感，滿足🤤。如果想食其他火鍋配料，哩到都有40款選擇，每款只需12蚊就可以食到。我地就加左個肥牛，牛質嫩滑夠淋👍🏻。食完海鮮已經好滿足，忘記左仲有個粥底未食😂。店員會係食完既湯底上加入芋頭同蕃薯粒，煮到溶溶爛爛後再加入白粥再煮一陣就食得。個粥認真不得了，海鮮鮮味同精華完全溶入粥內，再加上粟米同