Video
Read full review
2021-01-24
155 views
今次介紹既呢間日式海鮮丼店🍚算係本人收藏左好耐既一間食店，佢地既出品同店名一樣都係咁爆，魚生多到成座山咁高😲 之前經過幾次佢地門口都總係企滿客人等位👭👫，見到咁既情況真係令到想試既意慾大減🙈呢日係旺角買完我最愛既芋圓台式飲品🥤之後諗起佢就行去望下，原來佢地而家外賣自取🥡有8折優惠，而醫護人員👩🏻⚕️👨🏻⚕️出示返相關員工證更加有7折🈹，既然唔使等位又有折扣，唔食都對唔住自己啦🤣.呢度既海鮮丼接近有成20款選擇，每款都會跟麵豉湯🥣同罐裝汽水🥤；最平既148蚊已經有齊三文魚切粒、三文魚籽同吞拿魚魚蓉🐟，其他既就視乎唔同配料有唔同價錢，介乎二百蚊左右算係中等價格，所以家陣外賣有折就真係幾抵食😝.除左海鮮丼之外，呢度仲有供應刺身🐟、串燒🍢、燒魷魚🦑、玉子燒🥚同幾款炸物🍤，並非獨孤一味得海鮮丼咁單調🤗******************************✨松葉蟹丼🦀 ($275)當日店員推介左呢款冬季限定既松葉蟹丼🦀，更加表示最近好多客人試過之後評價都唔錯👍🏻蟹丼有蟹腳同蟹鉗，上面仲有大大舊吞拿魚蓉同蟹肉，並以黑魚籽作點綴，唔少得既當然仲有印上店名既玉子燒🥚雖然係外賣🥡，但係海鮮丼既份量依
今次介紹既呢間日式海鮮丼店🍚算係本人收藏左好耐既一間食店，佢地既出品同店名一樣都係咁爆，魚生多到成座山咁高😲 之前經過幾次佢地門口都總係企滿客人等位👭👫，見到咁既情況真係令到想試既意慾大減🙈
呢日係旺角買完我最愛既芋圓台式飲品🥤之後諗起佢就行去望下，原來佢地而家外賣自取🥡有8折優惠，而醫護人員👩🏻⚕️👨🏻⚕️出示返相關員工證更加有7折🈹，既然唔使等位又有折扣，唔食都對唔住自己啦🤣
.呢度既海鮮丼接近有成20款選擇，每款都會跟麵豉湯🥣同罐裝汽水🥤；最平既148蚊已經有齊三文魚切粒、三文魚籽同吞拿魚魚蓉🐟，其他既就視乎唔同配料有唔同價錢，介乎二百蚊左右算係中等價格，所以家陣外賣有折就真係幾抵食😝
.
除左海鮮丼之外，呢度仲有供應刺身🐟、串燒🍢、燒魷魚🦑、玉子燒🥚同幾款炸物🍤，並非獨孤一味得海鮮丼咁單調🤗
******************************
✨松葉蟹丼🦀 ($275)
當日店員推介左呢款冬季限定既松葉蟹丼🦀，更加表示最近好多客人試過之後評價都唔錯👍🏻
蟹丼有蟹腳同蟹鉗，上面仲有大大舊吞拿魚蓉同蟹肉，並以黑魚籽作點綴，唔少得既當然仲有印上店名既玉子燒🥚
雖然係外賣🥡，但係海鮮丼既份量依然無減；醋飯🍚用上粒粒分明飽滿既珍珠米食落有口感，白醋同糖既比例適中⚖️，略帶甘甜唔會過酸😌
至於吞拿魚茸🐟色澤望落並非暗啞無光，食落肉質都幾新鮮，不過個人認為吞拿魚味就未夠突出🤔
.
平時食蟹🦀最唔鍾意就係食蟹腳，難剝之餘又無乜肉食🤷🏻♀️ 而呢碗蟹丼就完全解決左呢個煩惱，蟹腳同蟹鉗剝好晒殼，一夾就食得😍 蟹腳食落鮮甜有蟹味，每一隻既口感都好似食緊甜蝦咁😋
一開始個人認為呢碗蟹丼索價275蚊其實都幾貴，不過食完之後發現入面蟹腳同蟹鉗既數量其實相等於一隻松葉蟹🦀算係貴得有理，並非開天價👌🏻
-
✨六重相撲爆盛丼🍚 ($225)
海鮮丼店店名叫得做爆丼絕非浪得虛名，雖然外賣無法將食材疊高，但呢款海鮮丼既三文魚籽、牛油果、海膽、蟹肉、黑魚籽同埋主角—左口魚裙邊六款配料既份量加埋其實係十足😍
左口魚經灸燒🔥後洋溢住濃郁既魚油味🐟，每一片既厚度比平時係日式餐廳食開既更加厚身，而且一碗大約有成十片，出手非常大方👍🏻
海膽既質感飽滿，食落creamy而且並無腥臭；蟹肉🦀同上一碗既唔同，呢碗既蟹肉加左沙律醬會更加滋味😋
三文魚籽食落唔會有死鹹既味道，個人表示非常滿意😌👍🏻 意想不到既係佢既份量多得誇張，每一啖飯入口都有大量三文魚籽，實在令人滿足又有幸福感🥰
-
✨麵豉湯🥣
麵豉湯入面有紅蘿蔔🥕、大根仲有唔少三文魚切粒🐟，非常足料👍🏻
三文魚粒油脂味豐富又惹味，肉質並無因為經過熬煮而變老；美中不足既係麵豉湯略為鹹左d，否則真係無懈可擊😣******************************
👧🏻人均消費：$250 (折前價格)
😋味道指數：4/5
💰抵食指數：3/5
🪑環境指數：3/5
💁🏻♀️服務指數：3.5/5
👍🏻再訪指數：3.8/5
-
📍爆丼屋
地址：旺角豉油街50號地下8號舖
⏰營業時間：12:00–16:30；18:00–00:00 (Mon–Thu)；
12:00–00:00 (Fri–Sun)
(📍九龍灣亦有分店，營業時間有所不同)
Post
