夢の丼 (Closed)

聽聞土瓜灣有間主打平民omakase同高質丼飯嘅日式餐廳,朋友試過都大讚。佢地嘅海鮮係由日本直送所以品質都吾會差。黑松露芝士玉子燒,上枱時仲熱辣辣,嫩滑嘅玉子包住溶左嘅芝士,帶有少少流心效果,黑松露味道夠突出但亦吾會搶去玉子嘅蛋香。每個丼都會附送前菜漬物,蜆肉味噌湯同甜品。當日嘅甜品係抹茶醬配Q版番薯。一番拖羅丼有齊晒多款拖羅,有醬油漬赤身,火炙粗筋拖羅,中拖羅刺身,大拖羅刺身加上香蔥拖羅蓉,啖啖飯都能吃到肥美甘甜的拖羅,款款都甘鮮味無窮,再配埋店家自家腌製嘅醬油蛋,冇得彈。夢之丼作為招牌當然絕對係必食,超級豐富可以一次過食晒七款刺身,有三文魚,三文魚子,拖羅蓉,帆立貝,海膽,大大隻牡丹蝦同蠔。擺盤夠晒吸睛,用料亦夠新鮮。飯底仲要用左赤醋,食落同刺身好夾。帆立貝仲有個特別食法,就係配橙醋,令帆立貝鮮味升級,整體令人視覺同味覺都好滿足。