有蒸氣 海鮮石鍋專門店 (Closed)

同媽媽食野，永遠要坐得舒服~ 蒸鍋興左好多年，但媽媽未食過，於是選左間好啲既餐廳帶佢試下。佢位置都隱蔽之餘離鬧市不遠，係酒窩附近。間餐廳好大，有房仔，我地兩個都比張好舒服好大既枱我地坐。點左蒸氣石鍋海鮮餐，粥底配南瓜加雞同黑松露蒸蛋。黑松露蒸蛋係必點，暫時係我人生食過最滑既蒸蛋，完全冇瑕疵。個蛋蒸到咁上下侍應會倒水放黑松露，好impressed。海鮮既部分，每樣都有侍應幫你處理，計時，夾比你，倒啲海鮮蒸出黎既水去下面個粥底，間唔中拌下個粥底。因為食過平既粥底蒸鍋，真係有對比有相害。(手忙腳亂，隻手好污糟咁計時，不斷睇每樣食物蒸幾耐，個粥又痴底lol)食材好新鮮！蝦肉彈牙，蜆無沙🥴鮑魚偏大隻，洗得好乾淨~貴妃蚌好鮮甜！加粉絲好好味，好多汁🤤🤤個蠔脹卜卜滑dudu。粥底蒸鍋個粥底係精華所在，南瓜軟綿，加少少芹菜葱花更有添口感同香氣，每人兩小碗👍🏻👍🏻呢到服務好好，坐得舒服，野食新鮮好味，食過一次就返唔到轉頭，以後都唔會食街市食堂個啲，質素差太多🥴🥴