Video
Read full review
2024-09-08
302 views
[📍尖沙咀｜JUST'er Bar & Restaurant ]喺尖沙咀山林道嘅西餐廳，餐廳嘅環境都幾有氣氛，約埋朋友一齊傾偈食飯都幾合適，而且食物嘅質素都好高。首先叫咗個Cobb Salad，估唔到係咁大碟，沙律入邊有雞胸、牛油果、生菜、蕃茄仔、蛋、青瓜，再加埋胡麻醬，好flesh 好健康。之後叫左個ASSORTED PLATTER SET，係有龍蝦🦞、燒春雞、炸魚柳、炸軟殼蟹同埋炸薯條。亦都係估唔到嗰分量係咁多，一嚟到見到個龍蝦勁大隻，而且仲有勁多膏，識落龍蝦嘅肉質好新鮮，完全係爽口彈牙，仲要勁鮮甜，呢隻龍蝦冇取巧。之後試吓個炸軟殼蟹，平時食炸軟殼蟹好多炸粉同埋油淋淋，但呢隻軟殼蟹超級香口，而且好多肉，蟹入邊都有膏，而且唔會食到成口油，呢個都幾出色。跟住係燒春雞，半隻嘅燒春雞，加埋啲孜然粉已經好香，切起嚟有勁多雞油，而且佢肉質都幾鮮嫩，唔係柴嘅雞。炸魚柳勁大塊，想讚吓嘅地方係切起嚟唔會散晒，同埋一啲都唔厚粉，亦都冇雪櫃味，估唔到魚柳都可以做到咁👍。最後炸薯條都係新鮮即炸，熱辣辣勁香口。個人認為呢個set兩個人絕對夠食，而且材料非常老實，一啲都冇取巧，下次可以再encore其他。JU
喺尖沙咀山林道嘅西餐廳，餐廳嘅環境都幾有氣氛，約埋朋友一齊傾偈食飯都幾合適，而且食物嘅質素都好高。
首先叫咗個Cobb Salad，估唔到係咁大碟，沙律入邊有雞胸、牛油果、生菜、蕃茄仔、蛋、青瓜，再加埋胡麻醬，好flesh 好健康。
之後叫左個ASSORTED PLATTER SET，係有龍蝦🦞、燒春雞、炸魚柳、炸軟殼蟹同埋炸薯條。亦都係估唔到嗰分量係咁多，一嚟到見到個龍蝦勁大隻，而且仲有勁多膏，識落龍蝦嘅肉質好新鮮，完全係爽口彈牙，仲要勁鮮甜，呢隻龍蝦冇取巧。
之後試吓個炸軟殼蟹，平時食炸軟殼蟹好多炸粉同埋油淋淋，但呢隻軟殼蟹超級香口，而且好多肉，蟹入邊都有膏，而且唔會食到成口油，呢個都幾出色。
跟住係燒春雞，半隻嘅燒春雞，加埋啲孜然粉已經好香，切起嚟有勁多雞油，而且佢肉質都幾鮮嫩，唔係柴嘅雞。
炸魚柳勁大塊，想讚吓嘅地方係切起嚟唔會散晒，同埋一啲都唔厚粉，亦都冇雪櫃味，估唔到魚柳都可以做到咁👍。
最後炸薯條都係新鮮即炸，熱辣辣勁香口。個人認為呢個set兩個人絕對夠食，而且材料非常老實，一啲都冇取巧，下次可以再encore其他。
JUST'er Bar & Restaurant (尖沙咀)
尖沙咀山林道13號地下A1-A2號舖
Post
