御前牛盛日式涮涮鍋 (Closed)

同朋友行開旺角，見到有間新開嘅涮涮鍋，價錢又幾抵，即刻🐶衝入去試🤗入到去地方乾淨企利，服務員態度勁好，一坐低就話俾我哋聽，啲醬料飲品可以自己出去拎~嗰度有成三個雪櫃，飲品多到都唔知點揀好😎希望遲d有埋啤酒啦~每人百幾蚊包埋放題😳因為唔知揀咩好，我地全部都揀晒(吃貨就是這樣😤)。啲魚生好新鮮好好食~我哋一路食一路等個邊爐熱，時間啱啱好，唔使戇居居喺度等😋去到打邊爐嘅部份，湯底有成十幾種，選擇困難症嘅人真係好難揀😆但當然芝士控就梗係揀返芝士湯底啦😋佢同芝士同個邊爐湯底係分開嘅，所以自己鍾意落幾多芝士就落幾多，好體貼~~話明係牛盛，咁就梗係食好多好多牛啦，外國進口係唔同d💁🏽火鍋材料有好多選擇，我地又係乜都嗌d甘，飽到上心口😚最後梗係要食甜品啦，有杯裝雪糕同埋我最愛嘅香芋雪米糍，一連食咗三個😚題外話，食物擺得真係好靚，勁高級，如果就咁影真係睇唔出係咁抵食😂下一次一定會再嚟試試另一個湯底佢！最後埋單三百幾蚊兩個人😳係香港地呢個地方仲邊有咁易搵到啲咁高質有咁抵食嘅日本野😳仲要係晚市