一日三餐 (Closed)

黎到呢間由開業到而家都仲要排隊既餐廳, 本身諗住落雨會少啲人, 但係去到都爆滿, 門口仲有人龍😲 不過大家都好識做咁食完就離開, 所以等位時間都唔會太耐👍🏽 食物選擇超多, 基本上所有香港地道既茶餐廳菜式都有😍太極鴛鴦焗飯🍛($72)即叫即整所以要等15-20分鐘, 上枱既時候仲見到啲汁係度卜卜緊😋 橙紅色既茄汁果邊有彈牙大隻既蝦仁, 白汁就配左雞肉同菌類, 中間會有塊融左既芝士, 飯係炒底好爽身, 好耐未食過咁新鮮同高質既焗飯🤩懷舊雜扒🥩($98)可以揀配蒜蓉汁/ 黑椒汁, 豬牛雞扒各一都好厚身, 仲有芝華力腸, 波浪紋薯條, 荷包蛋, 超級豐富, 再淋埋個蒜蓉汁炸炸聲超正😍咖哩牛腩飯🥘($68)牛腩整到夠腍身入曬味, 攞黎撈白飯一流😋叉燒煎蛋飯🍳($68)叉燒肉質比平日既彈牙有咬口配埋甜甜既叉燒醬同平時食到既感覺冇咁肥, 又埋飯隻煎到半流心既太陽蛋同白飯, 完美既配搭😌跟餐會配一杯熱飲☕️呢度既座位唔算少, 高峰期要搭枱, Staff都超級Nice, 可惜30/9就結業, 黎緊會再搵機會食多幾次😊