Video
Read full review
2021-04-02
1745 views
打邊爐成日都打, 但好多時千篇一律無咩驚喜, 環境又嘈又多人. 今日本身約咗frd去厚福街食嘢, 但睇嚟睇去都無咩心水, 好多間都無得坐低慢慢食同傾計. 最後喺隔離街見到呢間樓上火鍋仲做埋刺身同丼飯咁勁, 就上咗去試.我哋揀咗非常闊落嘅卡位坐, 感覺上比圓枱可以擺到更多嘢食. 呢度冷氣夠哂大,我最怕打邊爐熱辣辣空氣唔流通搞到我流哂汗🙄而且呢度無論凳, menu同紙巾都係黃色架, 連牆上面嘅每一粒字都係, 有種番屋企食飯嘅感覺💛 Menu入面大部分嘢食睇落都好吸引, 我哋無嚟過, 隔離枱啲嘢食又未嚟, 所以唔知每樣嘢嘅份量, 叫咗好多🤦🏻♂️ 但好在每樣嘢都ok, 我諗要嚟多最少兩次先可以試哂我哋想試嘅野🦑冰火魷魚呢個前菜嘅idea係嚟自街頭小食, 改良咗之後變咗做冷盤小食. 魷魚切成網狀, 每一塊食落都爽口彈牙同埋幾大塊. 加埋秘製辣椒醬同芝麻一齊食真係食到停唔到口, 未開始打邊爐已經飽左兩成😖🍣豐洲直送刺身+南澳龍蝦刺身一餐圓滿嘅邊爐又點可以唔嗌刺身🤨見到隔離大大盤象拔蚌, 我哋就叫咗幾款豐洲直送嘅白身魚再加南澳龍蝦刺身. 擺盤好靚, 金目鯛, 油甘魚同龍蝦都好鮮甜. 金目鯛比想像中
我哋揀咗非常闊落嘅卡位坐, 感覺上比圓枱可以擺到更多嘢食. 呢度冷氣夠哂大,我最怕打邊爐熱辣辣空氣唔流通搞到我流哂汗🙄而且呢度無論凳, menu同紙巾都係黃色架, 連牆上面嘅每一粒字都係, 有種番屋企食飯嘅感覺💛 Menu入面大部分嘢食睇落都好吸引, 我哋無嚟過, 隔離枱啲嘢食又未嚟, 所以唔知每樣嘢嘅份量, 叫咗好多🤦🏻♂️ 但好在每樣嘢都ok, 我諗要嚟多最少兩次先可以試哂我哋想試嘅野
🦑冰火魷魚
呢個前菜嘅idea係嚟自街頭小食, 改良咗之後變咗做冷盤小食. 魷魚切成網狀, 每一塊食落都爽口彈牙同埋幾大塊. 加埋秘製辣椒醬同芝麻一齊食真係食到停唔到口, 未開始打邊爐已經飽左兩成😖
冰火魷魚
$99
10 views
0 likes
0 comments
🍣豐洲直送刺身+南澳龍蝦刺身
一餐圓滿嘅邊爐又點可以唔嗌刺身🤨見到隔離大大盤象拔蚌, 我哋就叫咗幾款豐洲直送嘅白身魚再加南澳龍蝦刺身. 擺盤好靚, 金目鯛, 油甘魚同龍蝦都好鮮甜. 金目鯛比想像中好食, 啲皮好似火炙過嚟. 龍蝦份量好多, 食極都仲有, 好抵食☺️ 食完之後, 個龍蝦頭仲可以俾店員切件再放落鍋度淥埋嚟食🙃
豐州直送刺身+龍蝦刺身
$799
13 views
0 likes
0 comments
🥘湯底: 秘製麻辣鍋 + 野菌黑松露湯鍋
有成十幾款湯底揀, 最後揀咗呢兩款. 麻辣鍋辣度適中唔會刺鼻, 就算用響鈴嚟掛汁都可以一啖食哂. < 亂入: 好多時啲響鈴浸落湯度三幾秒就冧哂, 但呢度嗰啲浸多幾秒都仲好挺身同脆脆哋. 配麻辣湯底不得了🙃 > 個野菌黑松露湯無麻辣鍋咁搶味, 但真係預咗俾你當湯咁飲, 啖啖都係黑松露, 連refill個樽底都有厚厚嘅一層黑松露, 要攪匀先倒到啲精華出嚟🙃
秘製麻辣鍋 + 野菌黑松露湯鍋
$159
9 views
0 likes
0 comments
野菌黑松露湯鍋
$129
19 views
0 likes
0 comments
🥩頂級新鮮手切本地肥牛(大)
Layout唔錯, 每一塊肥牛都好大塊, 厚切同埋顏色紅潤. 牛肉同油花嘅比例算適中. 好耐無試過浸落湯度要等一陣先熟. 食落肉味算濃同唔靭, 點埋麻醬同炸蒜一齊食好夾🙃
頂級新鮮手切本地肥牛 (大)
$339
8 views
0 likes
0 comments
🥟自家製黑松露帶子湯包/ 自家製蟹皇包
呢度有幾款特色自家製餃子, 揀多樣都係加十蚊, 又大大粒咁,梗係試多樣啦. 個黑松露湯包好重黑松露味就唔使多講啦, 每個包入面仲有半粒帶子, 淥落黑松露湯底度淋埋啲黑松露係上面一齊食直頭係雙重享受😋 不過個人覺得蟹皇包仲正. 皮薄, 入面全部都係蟹膏蟹肉再加切左粒嘅菇, 真材實料,食到停唔到口. 兩款包個樣實在太似, 所以蟹皇包下面係加咗片紅蘿蔔嚟做記認, 咁我哋先至可以梅花間竹咁試😌
自家製黑松露帶子湯包 / 自家製蟹皇包
$119
9 views
0 likes
0 comments
🐽豬八戒拼盤
擺位好靚而且份量好多, 三至四個frd打邊爐/ 鍾意食豬嘅朋友嗌呢個就啱嘞. 拼盤有本地黑毛豬, 豬頸肉, 粉腸, 豬肺同豬肚. 豬頸肉係厚切同埋砌成花朵形狀, 幾特別. 個人認為黑毛豬同豬肚最好味. 豬肚好冧, 同麻辣湯底好match🙃
豬八戒拼盤
$289
16 views
0 likes
0 comments
🍤自家製鮮蝦蓮藕爽
兩塊蓮藕中間夾咗蝦膠, 配麻辣湯底口味更佳. 蝦膠好入味. 如果蓮藕再薄切少少會更好🙃
自家製鮮蝦蓮藕爽
$89
10 views
0 likes
0 comments
總結: 好彩最後過咗嚟食🍻呢度嘅湯底, 肉類同刺身都睇得食得, 重量但係又重質, 而且可以慢慢坐, 無壓迫感. 下次要約多兩個人晏晝嚟食, 試埋佢啲刺身丼飯同埋日本雪糕先得🙆🏻♂️
Post
