喰楽

Open Now

Now Closed

呢間小店記住去之前一定要book枱，因為只有四張枱。一開始仲以為食完Sukiyaki唔會太飽，點知原來我諗錯了，係超級無敵飽！.我哋今次四個人去食，就叫咗dinner set A B C D，份量好足，完全唔使追加任何野都夠飽。.首先有一壺熱茶，有少少桃味，幾清新可以中和下牛嘅油膩感。前菜有三樣，店員建議我哋由左至右順序食，其實三樣嘢加埋都唔少哈哈。呢個蔬菜成盒真係好足份量，雖然話係四個set嘅蔬菜加埋一齊但係都好巨型。主角終於上場啦，牛唔算話切得勁薄，所以都幾有咬口，睇見啲油花都知道牛嘅質素唔錯，食落果然冇失望。不過成餐飯去到最後個炒飯差唔多兩個鐘，店員都好有耐性咁企喺隔離煮，真係辛苦晒佢啦！最後我哋有朋友飽到連炒飯都食唔落😂最後個甜品係豆腐雪糕，幾cream成個用膳感覺都唔錯，店員好有禮貌，而餐廳好闊落同埋乾淨。Book咗枱記住準時到，如果唔係就會影響下一round嘅食客啦。