Burgerman (欽州街) (Closed)

成日聽深水埗有一間好好食嘅漢堡包店，呢日終於去試吓。不論係漢堡包定係薯條，都係即叫即做，保證熱辣辣。.🐟漁夫之堡$69 加炒野菌絲 $8炸魚超大塊，仲大過麵包。表面香脆，內裏嫩滑，食落仲好鮮甜，相當有驚喜。生菜🥬、蕃茄🍅都好新鮮。紫洋蔥唔辣，相反仲好清甜。炒野菌絲同呢個包好夾，亦令成個包更有層次感。.加$20有薯條🍟/薯格/田園沙律🥗，仲有汽水。我揀咗食最愛嘅薯條。佢哋嘅薯條好粗身，食落薯仔味好濃。表面仲有少少紅椒粉，唔使加蕃茄汁已經好好味。