Burger Shot

Open Now

Now Closed

做野路過開呢頭，咁岩想食Burger，係Google Map到一打就見到呢間舖，舖仔位於牛頭角定業街，地鐵站行過黎大約5mins，就係正轉角位置唔難見，從外面已經見到佢一個個漢堡同食品既相，令人食指大動，裝修係行工業風，有分室內同室外座位，我比較鍾意室外，挨住幅牆係街影返入黎打咭都好靚，講返啲食先，主打係漢堡、另外係意粉同熱狗，而仲有各式炸物小食同冷熱飲。我得一個人都唔係試到好多野雙層手打牛肉芝士漢堡作為男士最鍾意啖啖肉，呢個牛肉漢堡多汁厚實，質感不愧係手打，咬落去既感覺特別唔同，配菜新鮮配合得恰得好處，正！炸粗薯條一直鍾意粗身薯條多過金拱門既幼身野，呢個冇令我失望，特別既係佢仲有八種不同醬料比你揀選，一款小食可以配一個醬，我就揀左蜜糖芥茉同埋辣辣白醬呢個白醬我覺得好特別，佢果種辣係暗藏係入面輕輕咁滲出黎，但又唔會太剌激，值得一試野菌派對菇菌味濃郁，喜歡重口味既朋友就會開心大吃吉列炸蝦炸野不嬲都係要睇新鮮質素，呢次呢四隻炸蝦有喜出望外既感覺，肉身彈牙，炸粉厚薄恰到好處，一個人食完四隻都唔係好夠囉蕃茄濃湯唔係睇佢有別一般碗裝既湯走黎用杯裝，我飲落去就即刻知佢入面真材實料，每啖都有蕃茄蔬菜