Video
Read full review
2018-10-20
1007 views
今日要去勞工處跟進工傷補償，辦完正經事後，見時間已經不早，決定過去長沙灣接老公放工，順便喺區內覓食。見近排吃得太多肉，本來打算去食餐齋，不過老公提議帶我去食素漢堡。原來佢之前和公司同事嚟過這間「Fast Taste」食晏，知道餐廳有素食供應，尤其是幾款素漢堡，口碑唔錯，所以想同我去試下。餐廳位於元州街，門面唔算起眼，門外放有兩大塊手寫黑板餐牌，原來淨係「素食」都已經有成 10 款咁多，包括有素漢堡、素食意粉同意大利飯，另外亦有 6 款 Dinner Set 可供選擇，價錢豐儉由人。估唔到間餐廳地方細細，但原來入面都幾闊落，裝潢很有特色，以紅磚牆與水泥牆互相搭配，牆壁掛有不少裝飾品，例如手工啤酒瓶、撥盤式電話等，潮得嚟又帶點懷舊，讓人眼前一亮。由於頭先喺門口已經睇咗餐牌，所以入座後便可以即時點餐。我選了素食漢堡而老公就揀咗涼拌烏冬，另外亦加配咗餐湯、雞翼同洋蔥圈。是日餐湯係蕃茄湯 (跟餐+$18x2)，先趁熱呷一口湯頭，湯身稀稠適中，入口帶啖啖蕃茄鮮香，非常順喉，既天然又健康，如果可以喺湯內再加入一些蕃茄蓉，相信會更加滋味。接著是我點的巨菇芝士漢堡配薯條 ($49)，漢堡用木托盤呈上，看
餐廳位於元州街，門面唔算起眼，門外放有兩大塊手寫黑板餐牌，原來淨係「素食」都已經有成 10 款咁多，包括有素漢堡、素食意粉同意大利飯，另外亦有 6 款 Dinner Set 可供選擇，價錢豐儉由人。
估唔到間餐廳地方細細，但原來入面都幾闊落，裝潢很有特色，以紅磚牆與水泥牆互相搭配，牆壁掛有不少裝飾品，例如手工啤酒瓶、撥盤式電話等，潮得嚟又帶點懷舊，讓人眼前一亮。
由於頭先喺門口已經睇咗餐牌，所以入座後便可以即時點餐。我選了素食漢堡而老公就揀咗涼拌烏冬，另外亦加配咗餐湯、雞翼同洋蔥圈。
是日餐湯係蕃茄湯 (跟餐+$18x2)，先趁熱呷一口湯頭，湯身稀稠適中，入口帶啖啖蕃茄鮮香，非常順喉，既天然又健康，如果可以喺湯內再加入一些蕃茄蓉，相信會更加滋味。
接著是我點的巨菇芝士漢堡配薯條 ($49)，漢堡用木托盤呈上，看起來相當有分量，入面除了夾有雞脾菇、芝士和大啡菇外，還有新鮮蕃茄同原塊生菜，非常足料。大啡菇肉厚多汁，菇味濃郁。麵包香氣甚重，鬆軟得來又夠挺身，而且最正就係每一口都會咬到所有食材，配埋香脆的薯條食，味道一流。
至於老公點的軟殼蟹芝麻醬涼拌讚岐烏冬 ($72) 味道亦唔錯，烏冬用一個闊口湯碗盛載，分量剛好，面頭鋪滿粟米粒、紅蘿蔔絲同青瓜絲，看起來很清新。將烏冬與麻醬拌勻，再挾起一嘗。烏冬入口微涼、滑溜煙韌，甚有嚼勁，加上每條烏冬都掛滿了芝麻醬，所以食落特別濃香惹味。另上的軟殼蟹亦很有水準，外層被炸至金黃色，入口勁 Crispy，酥脆甘香，一點也不油膩。
另外加配咗原味雞翼同洋蔥圈，每款都只係 $10，非常抵食。雞翼外層嘅炸粉薄薄地，一啲都唔過厚，食落非常脆口，雞肉嫩滑；而洋蔥圈亦好有水準，色澤金黃誘人，吃來外頭酥脆，入口甜軟。
跟餐飲品選了柑桔檸檬，一凍一熱，兩款都好飲，入口微酸、帶淡淡橘香，各擅勝場。今次老公呢個介紹真係唔錯，應記一功，下次就一於輪到我帶佢去食好嘢啦！
Post
