新潮樓 (Closed)

Emax 呢排搞緊婚展，今日特登入嚟睇跟住喺度食埋個lunch。黎到呢間都幾出名嘅潮州菜， 試咗佢哋鹵水鵝片同埋鹵水鵝腸。 鹵水鵝片非常之入味，唔會太鞋身， 底下有我哋最鍾意食嘅滷水花生。 鵝腸冇鵝片咁入味但都非常新鮮，入口彈牙， 份量比想像中都多。另外叫咗小炒王， 呢個非常之出色，有大量蝦乾魷魚乾， 連埋腰果粒，非常之香口有鍋氣。自家製蝦蟹棗， 十分之彈牙， 入面嘅馬蹄粒令口感更加豐富。魚湯四寶河粉，$38 非常之大碗， 完全就我哋兩個人分。因為係飲茶時間，我哋嗌咗籠蝦餃，估唔到點心一樣出色。黎到潮州餐館，無理由唔試下佢嘅招牌甜品反沙芋頭， 表層脆卜卜嘅糖漿加埋入面嫩口嘅芋頭，真係好正。