Hot Pot 熱‧海鮮火鍋私房菜

Open Now

Now Closed

啱啱喺佐敦做完嘢，就見到地下有一間打邊爐舖頭有唔同嘅餐選擇，最後我哋就諗住上去試一試熱鍋二人火鍋套餐。上面嘅裝修都唔錯，有打卡位，而且坐得都好舒服卡位十分之大。等咗唔使10分鐘完成就開始嚟到。湯底要咗胡椒酸菜白肉鍋，當初覺得淡咗少少，但係之後越煲越濃郁，而且加咗湯之後都唔會特別變得淡。酸菜份量都唔少，配白肉不錯。牛肉要了小牛排，油脂剛好，而且牛肉味都幾濃。炸魚皮，我同朋友都覺得好好食，炸得好香脆，而且食落不會有油益味。手打墨丸都幾大牙，水餃冇諗過都幾大隻。烏冬和蔬菜拼盤，烏冬都幾滑身，菜份量十足飲品可以選擇兩杯無酒精，其中一個就要咗益力多沙冰，益力多味好濃郁甜度我覺得都OK所以整杯好解暑，而且打邊爐一齊飲好啱。