廿一前 (Closed)

豐富湯底，一食難忘！叫左養生花膠雞湯，花膠落左好多舊，煮耐就好淋吸左牛脂雞油同蔬菜味，好滋味，仲有枸杞～最緊要係放題紙叫既串燒好好食，絕對要encore!首推露荀腩肉卷！薄薄一片豬腩片燒得好香，包住嫩口露荀解左腩片既油膩感，食唔停口真係😋 牛肉串叫左醬燒同鹽燒，各有千秋，燒雞翼都係，不妨都來一串！仲送大大粒帶子、肥嘟嘟生蠔🦪、海蝦🦐同魷魚🦑，刺身融雪亦都處理得好好，帶子同北寄貝尤其鮮甜～連火鍋肉丸都係選用貴野大埔振興丸，可以睇到間餐廳好有誠意，豆卜都好有豆香無油膱味，好多邊爐火鍋店無留意既細節都做好，飲品同甜品任拎呢d一定有，選擇都唔少。