Video
Read full review
2018-08-04
769 views
公司冷氣開得超猛, 放工行咗一段路都解唔到凍,梗係即時約朋友去打邊爐降下溫啦依間舖係算係果頭最光鮮既一間,所以都一直諗著搵機會去食架喇,終於諗到藉口~大約7點幾到,好彩仲有大枱.兩個人坐四人枱相當寬敞,叫多啲嘢食都冇問題.一坐埋位夥記就放低醬油配料畀我哋,分別係蔥粒,生蒜,炸蒜,青紅辣椒.雖然配料唔算多,但係已經好過好多茶樓,配料多但係畀人搞到亂糟糟而且唔新鮮.因為有選擇恐懼症(?),睇嚟睇去都唔知揀乜嘢好.又要啱食,又要就住荷包.可能夥記見我好煩惱,就話大部分食材都可以揀半份,價錢亦都減半,超級體貼.叫咗個味菜胡椒豬肚湯底,湯底啱啱上枱時,胡椒同埋豬肚既味道都未係好出,但係煲下煲下就會越嚟越濃 味.味菜因為最後先至食,所以已經淋曬,不過相對就吸咗湯味.我鍾意爽爽哋食,早知中斷就夾尼食啦.豬肚放到最尾都唔會特別鞋或者過淋.味菜同埋豬肚雖然都唔錯,但係湯底裏面既白果最好味,而且有少少煙韌.打完邊爐唔好嘥,記住留返出嚟食.一開始叫咗特級美國肥牛,夥記強烈推介招牌手切牛頸脊,話來貨質素非常好.我見價錢差唔係好多,咁就叫啦.雖然我冇見過的美國肥牛,但係都覺得加錢換牛頸脊係正確嘅選擇.雖然呢一種
依間舖係算係果頭最光鮮既一間,所以都一直諗著搵機會去食架喇,終於諗到藉口~
大約7點幾到,好彩仲有大枱.兩個人坐四人枱相當寬敞,叫多啲嘢食都冇問題.
一坐埋位夥記就放低醬油配料畀我哋,分別係蔥粒,生蒜,炸蒜,青紅辣椒.雖然配料唔算多,但係已經好過好多茶樓,配料多但係畀人搞到亂糟糟而且唔新鮮.
因為有選擇恐懼症(?),睇嚟睇去都唔知揀乜嘢好.又要啱食,又要就住荷包.可能夥記見我好煩惱,就話大部分食材都可以揀半份,價錢亦都減半,超級體貼.
叫咗個味菜胡椒豬肚湯底,湯底啱啱上枱時,胡椒同埋豬肚既味道都未係好出,但係煲下煲下就會越嚟越濃 味.味菜因為最後先至食,所以已經淋曬,不過相對就吸咗湯味.我鍾意爽爽哋食,早知中斷就夾尼食啦.豬肚放到最尾都唔會特別鞋或者過淋.味菜同埋豬肚雖然都唔錯,但係湯底裏面既白果最好味,而且有少少煙韌.打完邊爐唔好嘥,記住留返出嚟食.
一開始叫咗特級美國肥牛,夥記強烈推介招牌手切牛頸脊,話來貨質素非常好.我見價錢差唔係好多,咁就叫啦.雖然我冇見過的美國肥牛,但係都覺得加錢換牛頸脊係正確嘅選擇.雖然呢一種唔係非常嫩滑嘅牛肉,但係牛肉味好濃郁,有咬口. 好怕鞋既牛肉,開頭嗰幾件都煮得特別生,甚至有一丁點嘅紅色,因為怕煮得太熟會韌,浪費咗靚牛肉.之後掛著同朋友吹水,牛肉煮耐咗先攞返出嚟,咬落去完全唔係生生地嘅牛肉可以比既,肉質變得綿嫩而且油脂业香,索多咗湯汁再加上牛肉本身嘅味道, 真係....
豬粉腸我不嬲只係一般,朋友話咬咗一啖有啲粉狀物咇出嚟即係代表係好嘢,我真係唔識.
鮮豬腰一睇個樣就知道話啦,不過切得好薄,所以要非常注意時間,否則煮耐咗就會鞋.
醉雞件難得煮完仲有花雕味,而且雞肉相當嫩滑,皮下脂肪少之餘又唔會顯得鞋颯颯. 
都唔係第一次打邊爐叫鱔片,但係咁大片嘅鱔片因為當火鍋配料我真係未見過,差啲放唔落鏡頭~餐廳算捨得畀人食.難得鱔皮好肥美,估唔到除咗蒸鱔或者油錐以外都食到依種魚嘅油膩感,超肥味.
脆骨腩非常脆,脆到我懷疑係唔係真係魚.真係爽脆既,咬落甚至有索索聲~ 
自制四寶丸.墨魚丸-我可以肯定,墨魚嘅比例應該好高.係咁多~
蝦丸-感覺似食緊蝦餃,因為咬落係有蝦嘅質感同埋味道,而唔係食緊用蝦肉整成既丸.
牛丸-實實地,唔係面粉丸,不過都係另外叫既果碟更好.
鯪魚球-鯪魚味激重,印象係用鯪魚滑加固整成既丸.
唐生菜 非常翠綠, 爽脆, 新鮮, 冇其他形容詞~飯後飲兩杯酸梅湯,飲好嘢食好西,又有動力聽日繼續工作.
Post
