日日涮 (Closed)

天氣咁凍，就好想去打下邊爐，就約左幾個朋友一齊黎左呢間日日涮，去到發現做緊promotion ,仲有刺身任食！入到去 地方都好乾淨，食物都擺得井井有條，唔會好亂咁！刺身選擇都多，有三文魚腩、甜蝦、吞拿魚腩同帶子等等，雖然係放題 但質素我覺得都唔差，夠新鮮！除左刺身之外仲有海鮮，有海蝦、龍蝦仲有鮑魚同貝類，夠大隻之餘，仲新鮮！最正既一定係美國特級肥牛，油花令仲肉質軟唔粗，果然肥牛係打邊爐必備！配料仲有好多丸類，炸魚皮超香脆，好推薦大家食！佢地既飲品櫃都好多選擇，所以絕對搵到你想飲既野！甜品佢地有乳酪、豆腐花、仲有5星酒店自助餐先有既哈根達斯，超值呢！我地都十分滿意，下次一定會再黎！