滾火鍋 (Closed)

一轉冷少少，就好想去恰下恰下，呢日男朋友今晚係深水埗收工，我哋就決定咗喺滾火鍋度打邊爐👏🏻👏🏻當日去到差唔多全場滿座，好彩仲有位🥰🥰餐牌上有好多嘅選擇，價錢唔算貴，最重要係食物好高質，服務熱情，睇得出老闆好用心經營，下次想一大班人打邊爐嘅時候，不妨考慮下呢間滾火鍋☺️☺️一坐低就有調味料俾我哋～有一個位我覺得幾用心就係，我坐既卡位係有差電位，咁我就可以一路玩電話一路打邊爐，又唔怕電話冇晒電🤣🤣我哋揀左芫荽皮蛋湯，想食清啲，又唔想太熱氣～台灣白鱔片好新鮮，顏色晶瑩剔透，魚肉嫩，不過要小心就係有啲多骨😋黑毛豬片，分量超多，因為其實佢既一塊超大塊～小食叫咗煎墨魚餅，我覺得呢個小食好高質，因為墨魚餅食到粒粒墨魚，而且10分彈牙鮮甜！黑松露鮮蝦水餃10分正，蝦肉彈牙，仲食到好香嘅黑松露味😆😆響鈴係自家製，10分大條，質感香脆，放落湯底3秒就好拎返上嚟，但係就有少少油🤣🤣冇諗過豬頸肉係咁靚，整成玫瑰花味，加分呢！倒啲蛋白落去，咁煮完之後，豬頸肉就可以保持玫瑰花嘅形狀，我覺得豬頸肉味都幾濃！口感很爽！蟹子蝦滑好正，勁彈牙而且好足料，必叫呢～總括來講，我覺得呢間火鍋店質素好高，可以同朋友嚟encore😋