麻極手工火鍋料理

Open Now

Now Closed

政府剛派消費券，朋友約我食火鍋，佢話有朋友推介元朗麻極手工火鍋料理好正，問我有冇興趣，我緊係冇問題啦！餐廳地方寬敞，服務員非常nice。食火鍋最緊要係湯底，餐廳有多款湯底選擇，我哋揀咗半鍋海南椰子雞（包半份雞）。湯底滚起有濃濃的椰子及雞味，朋友忍唔住飲咗二碗，佢話好似自己在家煲咁好味。雞肉都好滑唔錯。我哋最鍾意食牛，餐廳有大份及細份的麻極牛魔王，我們Order咗大份的，包括有安格斯肥牛及牛仔粒，本地手切肥牛，入口即溶又有牛味！牛舌及牛胸爽就爽口彈牙冇得輸。跟住再order一份魚頭，新鮮嫩滑，唔會有腥味。我的至愛炸魚皮一定唔少得，份量仲好大份超底食，最後order個雜菌野菜籃，有生菜，娃娃菜，油麥菜，粟米，金菇，雞肶菇，鮮冬菇同蟹菌菇。餐廳除了火鍋外，仲有魚生供應！最後結賬唔駛千一蚊有物超所值的感覺，餐廳仲好貼心送上雪米磁比我哋清熱。總體感覺好正，朋友冇介紹錯，值得推介！