牛摩+ (沙田中心) (Closed)

今日難得同丫媽撐枱腳，又聽講呢排牛摩有台灣祭，就決定去呢間沙田牛摩打邊爐。好彩我地早到唔使點等位。今次揀左極品美國牛小排餐 成人一位$349湯底方面揀左呢2個:博多美人骨膠原啫喱雞白湯 (+$10) 長野蘋果湯(+$10) 呢兩個湯底我都好推薦大家試下雞白湯有好濃嘅雞湯味，仲可以打卡，有成個牛摩樣喺度，好得意！蘋果湯係好清甜，煮咩都甜甜地，好正！大推！另外呢度係用QR code落單:叫左牛，雞，豬都唔錯！肉質都幾好，肥瘦均勻仲有多款海鮮叫左蝦，蠔，青口，帶子，墨魚仔全部都好新鮮仲有墨魚滑同台灣腸尤其係個台灣腸，超級好食呢個牛摩飯係必食！超級好食，睇個樣都唔洗多講，個蛋係流心架，同個飯，紫菜同肉碎一齊食真係好正！宜家個drink bar由以前沙冰變左做果汁，隔離有汽水bar，我自己果汁溝氣泡水，都幾正以下仲有其他丸，菇同菜供客人選擇仲有sushi同甜品櫃添，食左幾個泡芙，愛玉同涼粉，全部都唔錯！呢個就係頭先講嘅drink bar，仲有咖啡添！最後點可以漏左必食嘅雪糕呢！今次係朱古力味，好味！仲有得加錢啤仼飲添！