Video
Read full review
2023-08-23
202 views
今次同朋友去左一間位於尖沙咀的隱世火鍋店—熊本牛鍋 。店舖位於商業中心，都要俾啲時間搵一搵路😆上到去，發現差唔多坐滿晒客人。打邊爐，當然要任飲任食先至夠爽。嗌咗個澳洲和牛套餐，跟餐送咗個和風海鮮雞煲。個雞煲都幾驚喜，同普通港式雞煲好唔同，湯汁多好多，但係啲雞係預先醃製過，食落完全夠味，而且一啲都唔嚡。而且雞煲內仲有鮑魚、蝦同蜆肉等海鮮，十分足料同好味。食完雞煲，侍應好主動幫我哋加湯準備打邊爐。我地喊咗5款肉類(包括牛白肉、澳洲和牛、牛肩胛、豚肉和牛小排)黎試。見到哥哥仔係即刻刨片再送來俾我哋👍🏻啲肉色澤睇落好靚，食落肉質都唔錯，幾好食，個人就比較鍾意牛小排，牛味同油脂平衡得好好。至於同行友人就比較喜歡澳洲和牛，貪佢牛味比較出。出面仲有任食自助火鍋配料，有多款蔬菜、菇類、丸類、餃類同麵食選擇👍🏻個人推薦墨魚滑、魷魚同雲吞，好味。最後食埋個雪糕甜品就完美晒，一定要食佢個士多啤梨口味，大大粒果肉，好滿足！店員同我哋推廣期間限定優惠：逢星期日至星期四$1088四位任飲任食澳洲和牛套餐(免加一)下次要搵齊四個朋友一齊嚟🤭🤭另外店舖門外有宣傳海報關於會員獎賞計劃，凡幫襯就會有會員儲印卡同印章🌟儲滿
打邊爐，當然要任飲任食先至夠爽。嗌咗個澳洲和牛套餐，跟餐送咗個和風海鮮雞煲。個雞煲都幾驚喜，同普通港式雞煲好唔同，湯汁多好多，但係啲雞係預先醃製過，食落完全夠味，而且一啲都唔嚡。而且雞煲內仲有鮑魚、蝦同蜆肉等海鮮，十分足料同好味。
食完雞煲，侍應好主動幫我哋加湯準備打邊爐。我地喊咗5款肉類(包括牛白肉、澳洲和牛、牛肩胛、豚肉和牛小排)黎試。見到哥哥仔係即刻刨片再送來俾我哋👍🏻啲肉色澤睇落好靚，食落肉質都唔錯，幾好食，個人就比較鍾意牛小排，牛味同油脂平衡得好好。至於同行友人就比較喜歡澳洲和牛，貪佢牛味比較出。
出面仲有任食自助火鍋配料，有多款蔬菜、菇類、丸類、餃類同麵食選擇👍🏻個人推薦墨魚滑、魷魚同雲吞，好味。最後食埋個雪糕甜品就完美晒，一定要食佢個士多啤梨口味，大大粒果肉，好滿足！
店員同我哋推廣期間限定優惠：逢星期日至星期四$1088四位任飲任食澳洲和牛套餐(免加一)下次要搵齊四個朋友一齊嚟🤭🤭
另外店舖門外有宣傳海報關於會員獎賞計劃，凡幫襯就會有會員儲印卡同印章🌟儲滿唔同數量嘅印章可換領唔同嘅獎賞👍🏻感覺都幾容易儲到😜
整體用餐好愉快，嘢食好食，侍應服務爽手又友善👍🏻值得推介同再黎
Post
