Sodam Chicken (Closed)

最近想食炸雞，係開飯網搵到一間有炸雞同pizza放題，睇落好似唔錯咁，就即刻係開飯book埋位去試吓。餐廳位於銅鑼灣耀華街，喺銅鑼灣時代廣場行過去都好近，都好易搵。店裏冷氣夠晒涼，好舒服，啱晒怕熱嘅我，坐坐吓仲開始覺得凍添😂。這間炸雞店係放題形式，限時90分鐘。有炸雞丶焗雞丶Pizza、小食都可以任食，酒精/冇酒精飲品就要另外收費(做緊買一送一)，無論大人/小朋友都啱食。小食方面，韓式辣味海哲(微辣)真係好好食，自己叫咗幾round , 推介。呢度所有嘅炸雞嘅皮都炸得好脆，肉質嫩滑，好鬼juicy 。唔鍾意炸嘅亦可以選擇焗雞，肉質同樣嫩滑juicy，有好多味道可以選擇，有辣有唔辣，梗有一款啱大家，我試咗幾款都已經飽咗，唯有下次再試埋其他幾款啦。飲品都有唔少選擇，我點咗菊花蜜特飲、蜜桃特飲，兩杯飲品都大杯味道都唔錯，特別係杯菊花蜜，好香嘅菊花味😍😍整體唔錯呀，下次想食雞都會再返嚟食。