小魚兒 (寶漢大廈) (Closed)

餐廳：小魚兒地點：銅鑼灣波斯富街菜式：川菜餐牌：烤魚（先選魚，然後選烤魚口味，再選火鍋配菜），冒菜，雞煲，酸菜魚，厨師推介，BBQ燒烤，小食，冷盤，甜品等。落單用QR code。海鱸魚 $308 另加一烤魚用個火爐係枱上面滾，服務員提示滾起之後三分鐘後就可以食。烤魚有四款揀，海鱸魚係最平，但係質素已經超好，食落肉質細嫩，厚實，非常嫩滑。條魚都好大條，好多肉食，應該煎完先上碟，無炸過。烤魚口味我地揀左黃金特濃蒜香豆花，係唔辣既，果然有好多美味蒜子，蒜蓉同蔥花，味道好好，唔好辣人士必選。其他口味仲可以揀辣度同麻度。其他配料有洋蔥圈，滑溜豆腐四磚，青瓜片，芽菜，面頭仲有芫荽。原來下底有寬粉幾條，非常煙韌，好正！鴨血 $68 另加一加左鴨血，一客9切，口感超爽脆而唔腥。燒安格斯牛肉粒 $78 另加一燒安格斯牛肉粒一串七粒，燒得外脆內嫩，有好多肉汁，口感唔錯。味道我揀左香辣BB辣，都幾辣下，帶有淡淡孜然粉味。串燒有好多辣度揀，非常體貼。下底墊有新鮮菜苗。座位舒適，服務正常，枱上面有水自己加。今餐試左所有食物都好食，期待下次再黎。