Video
Read full review
2024-04-29
28 views
為食壽星嘅生日週繼續四圍食好西，美國牛同日本和牛食得多，今次一於食熟成靚牛😳呢間餐廳私隱度幾高，同朋友飲番杯燒下肉，環境同氣氛好唔錯～🔸Before Grill🔸先上韓燒必備嘅前菜小碟，食下泡菜同醃菜開開胃，再嚟就係份量都幾大碟嘅沙律菜，做食肉獸前乖乖食下蔬菜😆🔸Beef Tartare🔸上枱時店員會即刨滿滿嘅巴馬臣芝士碎喺牛肉他他上面，牛肉選用封門柳部份，加埋白松露油同生蛋黃拌均，口感軟滑，而且唔會有肉腥味，處理得好好👍🔸JJJ Premium Butcher's Cuts🔸食肉獸等到流口水嘅主菜出場了🤤分別有4款牛肉～✧USDA Prime 45 Days Dry Aged Ribeye✧2 Chef Selected USDA Prime Cuts✧JJJ House Marinated Galbi經過熟成嘅肉就好似濃縮咗D精華咁，肉味勁濃郁，燒完鎖晒D肉汁係入面，啖啖juicy好滿足🤤而用柚子醬腌過嘅牛肋條就較為濃味，配生菜食更match👍有需要嘅話仲可以拜託店員幫手燒，不過作為食肉專家我就唔駛代勞，按自己喜好嘅生熟度親手燒開心D😎🔸JJJ Beef Rice🔸招牌牛肉飯✨將原
🔸Before Grill🔸
先上韓燒必備嘅前菜小碟，食下泡菜同醃菜開開胃，再嚟就係份量都幾大碟嘅沙律菜，做食肉獸前乖乖食下蔬菜😆
🔸Beef Tartare🔸
上枱時店員會即刨滿滿嘅巴馬臣芝士碎喺牛肉他他上面，牛肉選用封門柳部份，加埋白松露油同生蛋黃拌均，口感軟滑，而且唔會有肉腥味，處理得好好👍
🔸JJJ Premium Butcher's Cuts🔸
食肉獸等到流口水嘅主菜出場了🤤
分別有4款牛肉～
✧USDA Prime 45 Days Dry Aged Ribeye
✧2 Chef Selected USDA Prime Cuts
✧JJJ House Marinated Galbi
經過熟成嘅肉就好似濃縮咗D精華咁，肉味勁濃郁，燒完鎖晒D肉汁係入面，啖啖juicy好滿足🤤而用柚子醬腌過嘅牛肋條就較為濃味，配生菜食更match👍有需要嘅話仲可以拜託店員幫手燒，不過作為食肉專家我就唔駛代勞，按自己喜好嘅生熟度親手燒開心D😎
🔸JJJ Beef Rice🔸
招牌牛肉飯✨將原條牛骨髓精華加入石鍋飯，牛油香氣四溢😍個飯不愧係招牌菜好好食，由於牛脂感相對較重，好易飽到食唔晒🙈
🔸Ginseng Ice Cream & Makgeolli Ice Cream🔸
飯後點品揀咗幾有韓國特色嘅人參同米酒雪糕～人蔘雪糕上面有好多人蔘脆粒，口感有層次，甜中帶有人參嘅回甘味，有驚喜😳米酒雪糕嘅牛奶同米酒香味平衡得好好，即使唔好酒嘅朋友都會啱食😉
🔸Oldie & Sureau Cocktails🔸
Oldie係一杯酒體比較強嘅cocktail，威士忌加上牛肉精，溫醇口感配搭熟成肉一流👍
Sureau嘅基底係接骨木花加上氣泡酒，氣泡感有助解膩，冰塊融化後果味更突出，好啱女仔口味✨
Post
