安平燒肉

Open Now

Now Closed

最好book定枱，真係勁多人，餐廳環境好大，近窗邊仲有風景睇，四人卡位好坐，餐廳抽氣做得唔錯，唔大油煙。有四個套餐選擇，試咗澳洲M5和牛套餐，坐低侍應已經介紹唔同嘅醬汁，最特別係安平黃金醬，鹹蛋黃味道，可以出去自己拎配菜同飲品，選擇都好多。肉類之中我最鍾意澳洲M5和牛，脂肪比例啱啱好，每塊嘅厚薄同大細都差唔多，燒嘅時候就比較容易控制，附送嘅牛舌心簡直係極品，好爽好有牛味，入口嗰啲牛汁爆出黎好正，三角牛肩肉我都10分推薦。海鮮之中我最鍾意食烤中卷魷魚，好有海鮮嘅甜味，唔會韌，多汁。蝦都好大隻。熟食方面我就鍾意梅山酥炸薯，即係炸地瓜條，啲梅粉好甜，番薯唔會乾身，仲有蔬菜嘅水份。最後30分鐘嘅時候仲有雪糕送，我哋食足120分鐘，食完真係好飽。