燒肉の殿堂

Open Now

Now Closed

一星期要食一次燒肉🤤今次揀左呢度係俾佢個優惠價錢吸引左👍🏻有好幾款打卡拼盤同二人套餐都係每人$300左右，清酒全日都有七五折，沖繩生啤仲買一送一。另外8:30後大割引，多款肉肉海鮮價錢係$22起，真係超抵。餐廳設計簡潔時尚，每枱都有獨立抽風系統，無咩油煙味。🌟特級厚牛舌牛舌真係激厚😆可以剪開幾份方便燒熟。肉質好嫩又彈牙。🌟日本A4和牛特選肩胛(90g)一睇雪花就知係正貨😍油脂感超重，真係入口即溶，勁邪惡！🌟牛油鹽蒜元貝新鮮大隻，爽口彈牙🌟野菜盛有冬菇，玉米，秋葵，雞脾菇同翠玉瓜，份量幾多幾抵食。🌟殿堂玉子飯有紫菜，飯素，香葱，温泉蛋，撈場一齊配燒肉食真係超正👍🏻🌟明太子撈烏冬伴月見有紫菜，溫泉蛋，明太子，加上鏗魚汁，烏冬彈牙掛汁。🍎日本蘋果sorbet 賣相一流😍原隻日本蘋果挖空做成雪葩，清甜好食零負擔。🍍古早菠蘿柚子蘇打賣相好靚，有一串冰菠蘿，不會太甜，好清爽👍🏻🍹白雪奇緣其實係冰荔枝梳打，有一串3粒冰荔枝肉😋好清甜📍除了晚巿，午市單點食品四點前離座都有七五折，下次可以中午黎試下。