張公館

Open Now

Now Closed

荷香鮑魚瑤柱珍珠雞一打開荷葉已經聞到濃濃既荷葉香味散發出黎，珍珠雞好足料，一打開幾有驚喜，瑤柱、蝦仁、豬肉（仲要唔係肥肉）不在話下，鮑魚竟然有1/4個珍珠雞既大細，食落去糯米有荷葉味之餘，亦有鮮味。羊肚菌姬松茸竹笙北菇燉湯燉湯材料足夠，飲落去味道鮮甜、濃郁。紅米脆脆鮮蝦腸外面一層絲滑既紅米製成既腸粉捲著脆米皮及蝦仁，表面綿密中間酥脆內裡彈牙鮮嫩，口感豐富。芥末沙律海鮮卷類似係春卷既菜式，外皮炸得酥脆，入口係粒粒彈牙既蝦仁，淡淡芥末味，唔會嗆。香煎黃金糕色澤金黃，層次分明，表面煎得脆脆地，香甜軟糯濕潤，帶有少許椰香及蛋香味，口感彈牙煙靭，品賞一件尚可，食多一件皆為油膩。食咗咁多炸嘢，其實都有少少膩，有少少油，呢個時候飲咗杯普洱中和返。