Video
Read full review
2023-05-11
388 views
同朋友洗塵，一於去食下火鍋，牛摩之前都食過，水準一直都吾錯，所以就叫朋友去依間！入到去見到環境都係寬敞，然後入面有一個好似鳥居咁樣嘅方式牛肉方面就嗌咗個，美國牛小排套餐。同朋友分別就一人一鍋，感覺好似衛生啲，點餐方面可以用電話落單之外亦都可以出去嘅自助吧去攞蔬菜豆腐同埋飲品等等。全部都好豐富同好齊，飲品方面除咗沙冰之外仲有咖啡同埋唔同地方嘅果汁，可樂，竹蔗茅根呢啲當然都不在話下啦。湯底方面，朋友就叫咗昆布鰹魚清湯底，比較清甜，高湯清澈，味道偏淡，更加襯托火鍋煮料嘅味道。我就叫咗個蕃茄薯仔鍋，入面嘅蕃茄味都好濃郁，而且薯仔經過煮咗一排之後都非常之腍，可以索曬其他配料嘅味道！肉類基本上可以叫曬所有款，咁就叫唔同款試下呢，美國牛小排係牛胸腔附近嘅肉。餐廳上枱嘅牛小排肉質鮮嫩、油花分布平均，脂肪呈現出大里石紋。口感非常柔軟。食落去相對上雖然肉味唔算太重，但係肉質嫩滑到會係咁想再食落去。美國和牛口感比起牛小排油脂更加豐富，脂肪雪花更多，因此油脂更多，令牛肉更加有肉香，肉味更重。牛舌片得非常薄，所以唔會好難咬。相反肉質爽滑、彈牙又爽口，而且牛味重之餘，並唔會有腥味。羊卷肉肥瘦比例適中，肉質鮮嫩多汁
湯底方面，朋友就叫咗昆布鰹魚清湯底，比較清甜，高湯清澈，味道偏淡，更加襯托火鍋煮料嘅味道。我就叫咗個蕃茄薯仔鍋，入面嘅蕃茄味都好濃郁，而且薯仔經過煮咗一排之後都非常之腍，可以索曬其他配料嘅味道！
肉類基本上可以叫曬所有款，咁就叫唔同款試下呢，美國牛小排係牛胸腔附近嘅肉。餐廳上枱嘅牛小排肉質鮮嫩、油花分布平均，脂肪呈現出大里石紋。口感非常柔軟。食落去相對上雖然肉味唔算太重，但係肉質嫩滑到會係咁想再食落去。美國和牛口感比起牛小排油脂更加豐富，脂肪雪花更多，因此油脂更多，令牛肉更加有肉香，肉味更重。牛舌片得非常薄，所以唔會好難咬。相反肉質爽滑、彈牙又爽口，而且牛味重之餘，並唔會有腥味。羊卷肉肥瘦比例適中，肉質鮮嫩多汁，口感細滑多汁，羊羶味甚至好少，不羊騷味嘅朋友亦都不妨一試。
套餐仲包咗海鮮，蟹籽墨魚滑可以等自己控制每一粒墨魚滑嘅大小，又好玩又好食。爽滑彈牙，鮮香滑溜，味道鮮甜，仲冇腥味，仲有好多蟹子所以就可以有爽口嘅口感。扇貝大大粒，味道鮮甜濃郁，有少量海水味，但冇沙同腥味。肉質亦因為大粒而厚實腍滑。青口亦都係大大粒就算煮熟咗之後唔會話縮水縮得好犀利，
醬爆瀨尿牛丸粒粒彈牙，咬開後更發現肉汁豐富，當中有牛骨湯及粒粒蒜蓉，多汁又有鮮味。麻香貢丸同樣鮮甜，多汁彈牙有嚼勁，香菇味突出。與此同時，貢丸亦有香辣嘅味道，更加能襯托出豬肉嘅鮮味。
牛摩而家做緊台灣祭，朋友叫咗台灣芝士牛肉貢丸同樣彈牙爽口，牛肉味香濃，肉汁豐富。加上熱辣辣嘅流心芝士，芝士味濃郁，口腔內咸香充足，另人回味無窮。台灣製仲有珍珠奶茶同埋滷肉飯等等，不過就食唔落啦，下次再嚟食啦。
佢再叫咗個牛摩飯，其實即係免治牛肉飯，加上紫菜碎及另叫嘅日本溫泉蛋。份量適中。溫泉蛋流心，拌飯一流。加上免治牛肉肉味鮮美，每淡都食到濃濃嘅牛肉鮮甜味。
飲品方面沙冰夠曬凍，唔會係一灘水，果汁亦唔會覺得係化學嘅味道。
臨近食飽就梗係食甜品，我又係揀咗好玩又好食嘅雲呢拿雪糕，自己織出嚟可以控制份量之餘又可以訓練下自己唧雪糕嘅技巧，再加上可以任落配料，雪糕夠濃味又好食，食完一杯再食下一杯！ 朋友叫咗朱古力蛋糕、泡芙及提子味啫喱，朱古力蛋糕入口順滑鬆軟，似慕絲，味道唔會太甜，反而有少少可可豆嘅甘味，食落不會覺得膩。泡芙有朱古力醬及卡士醬兩隻味，外皮酥脆，入口即化，兩款內餡嘅泡芙都可以一淡ko, 口感清新。提子味啫喱味道偏甜，口感彈牙，提子味道香濃。
見佢做緊個消費券優惠，好似八達通咁樣畀一千蚊增值就有二千蚊嘅現金同產品quota卷，都可以同朋友睇下買唔買返個，下次再食！
Post
