八月堂 (Closed)

之前就聽聞過八月堂嘅牛角包好食，但係開業初期好多人排隊，所以一直冇去試。今日途經aeon見完全冇人排，就買左三個牛角包食下。中午時段，啲牛角包唔算淨好多。可能由朝早放到中午，所以牛角包食落去凍凍地。黃金流沙($20)食落口似奶黃包，食一啖就有奶皇流出嚟，都推介一試。曜黑胡麻 ($20)曜黑胡麻嘅黑芝麻味幾香，入面啲黑芝麻醬幾多，容易食到嘴同牙都黑哂，不過真心好食嘅。迷戀卡士達 ($20)三個牛角包嚟講我最鐘意呢款，比較普通口味，但係啲奶油好香好好食。