野郎Stone Ya Rou Stone

Open Now

Now Closed

北角一田開左差唔多一年都未行過，放工約朋友行下入下貨，發現呢間鋪主打石燒同蒸籠定食，見佢啲石燒定食價錢都唔貴，百零蚊就食到石燒，即刻坐低一人叫一個石燒定食試下。填完落單紙，廚師即刻燒熱石板，大約十分鐘左右就上菜。石板熱力好夠，唔會食到一半就唔熱燒唔熟啲肉，可以慢慢燒唔洗心急。菜單有好多肉類揀，我地揀左食美國肉眼排同牛舌芯。石燒上菜既時候會有層紙放係上面，防止熱油飛濺，等一陣冇咁熱就可以拎開層紙開始食。套餐會有味噌湯和薯蓉同沙律，夠飽又有蔬菜落肚。美國肉眼排肉汁好豐富，同時石燒可以俾食客自己控制肉既熟度，食落口唔會太韌或者太生。牛舌芯好爽口，口感好彈牙，比平時食牛舌更容易入口，肉味都好夠。店家預備左幾款醬汁，食肉既時候可以試試。