大飯糖甜品小食屋

Open Now

Now Closed

之前經常食大飯糖嘅甜品，中西式甜品、綿綿冰、小丸子都有，仲有好多小食，炸物、咖哩魚蛋豬皮等等。最近試咗佢嘅飯餐，覺得唔錯，另外仲有抵食嘅半自助餐。半自助午餐/晚餐 $66-127揀一款主食：有焗飯、丼飯、意粉等等任食沙律同餐湯：有沙律菜、粟米、洋蔥每日小食三選一：泰式無骨鳳爪、花枝丸、雞肉棒等每日甜品三選一：有小丸子、中式糖水等餐飲：冷泡荔枝擰檬茶或白挑烏龍茶。五重芝士粟米焗豬扒飯 $68芝士可以拉到超勁，好邪惡。個汁係芝士忌廉甜甜地好creamy, 撈飯一流。豬扒醃料唔錯。。PRIME牛小扒丼飯 $88牛小扒煎到啱啱好唔會過熟，有牛味又夠腍，個飯配咗日式飯素同燒汁，適合撈飯。。朱古力心太軟配軟雪糕 $68推介! 黑朱古力可可味好香，唔會過甜。外層焗到脆脆地同時有蛋糕嘅口感，朱古力醬好流心。軟雪糕揀咗3.6牛乳，好滑。。腐竹薏米蛋花糖水 $28平時啲腐竹糖水好稀，呢個飲落啲腐竹煲到溶晒，再加左一片片嘅腐竹好有口感，仲用咗樹記腐竹。