滔滔甜品

Open Now

Now Closed

之前自從晚市無咗堂食之後都無出街食過糖水/甜品，早排心血來潮喺6點前衝入滔滔食咗碗😂 枯燥的生活需要一點甜🤪😋 紫玉園愛玉 $38呢碗即係芋圓+啫喱+黑糖水晶+蜜桃+雪糕。我哋兩碗都叫咗同一款，但雪糕就叫咗唔同～ 一碗要紫薯一碗要咗玄米茶，兩個雪糕味道真係超濃味同唔假，紫薯雪糕入面仲有粒粒紫薯肉😝 食雪糕嘅時候難免會畀啲糖水浸到，咁樣沾埋啲甜味反而仲正！黑糖水晶食落幾surprise，黑糖味濃但唔係死甜味，黑糖水晶同芋圓口感都係好煙韌😗 不過蜜桃都係罐頭貨，偏甜。