令酒場 (Closed)

🫰🏻日本生蠔日本既生蠔真係唔同啲，又大隻又肥美，海水味唔重，反而好creamy，好香甜，好滑身，仲有啲明太子係度點綴，真係好出色呀！🤞🏻燒免治雞肉棒(月見)免治雞肉棒做得好好，雞肉肉質好腍，口感好好，雞棒本身已經燒到焦香，再點埋有流心蛋既醬油，味道更濃香，唔會太咸，岩岩好！✌🏻串燒我地試佐芫荽豚肉卷，露筍豚肉卷，雞皮同雞全翼，芫荽豚肉卷味道好濃，勁重芫荽味，串燒入面包住滿滿既芫茜，好豐富；露筍豚肉卷同樣有肉質好好既豚肉，燒得焦香無比，入面既露荀都只係岩岩熟，好嫩，成個配搭都好好；雞皮道燒到勁脆卜卜，脆到好似食緊薯片咁，又唔會油林林；雞全翼就夠晒大隻，皮脆肉嫩，好味呀！🤟🏻椒鹽左口魚邊一個整得好好既左口魚裙邊呀，裙邊好嫩好滑，表面充滿椒鹽非常之香，惹味無比呀！