forte (Closed)

話說隔離枱成十幾人都幾嘈，店員主動提出幫我們調位，真係好細心，服務值五星級數。海鮮拼盤及刺身都係一次性，海鮮有六款，醉鮑魚有淡淡酒香又腍，長腳蟹海水味唔夠濃，蝦肉好新鮮彈牙。刺身都好高質，鮮甜魚香。沙律比平時西餐廳的套餐大碟，沙律清新好味。雪梨湯清甜潤喉，完全零味精。只可以食一次的宮崎A4和牛西冷，西冷牛味濃郁，但旁邊較多油膏，而兩面煎得香口，中間充滿油份，果然係和牛級數，不過就係比較膩，唔可以多食。任食的澳洲T骨扒，肉質當然不及A4，但質質都唔錯，有肉香又腍滑。另外還試了肉眼扒，同T骨扒差唔多，都好有肉味。任食炸脆粗薯。甜品就有兩件蛋糕及幾片生果，砌得都幾靚。