Video
Read full review
2019-11-21
210 views
呢間相馬我bookmark 左好耐，見上網評價都唔錯，宜家雖然日式火鍋開到成行成市，但質素參差，我既要求係要款多、肉靚同乾淨，睇下相馬符唔符合先😋呢到有4款餐揀，有美國進口牛肉、特選牛肉、頂級牛小排同澳洲和牛，可惜既係冇日本既牛肉食啦。今日揀左我覺得性價比幾高既美國特選牛肉Set既升級版，可以食埋日本鹿兒黑毛豬！！呢到一入門口就見到一排野食，丸類有十幾二十款，蔬菜類都有好多，見到都洗得幾乾淨。放食物同醬料既位置都唔會油淋淋，成間舖比人感覺乾淨衛生，感覺良好。相馬主要提供四人卡位，好多時兩個人都會被安排去四人枱。所以坐得好闊落舒服。呢到除左火鍋外，仲可以任點炸物同串燒。炸物有十款揀，試左佢既多春魚同蝦，都好新鮮酥脆架！串燒有二十幾款揀，可以選擇醬燒或者鹽燒，基本上冇伏，而且拍得住串燒專門店tim。呢隻特選牛肉應該係用牛肩胛，肉質偏瘦，而且都幾厚身，肉味重，但就略嫌嚡左啲啲。另外試左佢普通既肥牛，口感唔錯喎，雖然望落油脂偏多，但入口有油香而不膩。黑毛豬肉片肉質爽口，唔油膩，亦都十分推介。最後可以玩埋佢既朱古力噴泉同埋食雪糕。呢到主要係東南亞口味既雪條，連榴槤味都有呀，正！！總體呢到套餐選擇
呢到有4款餐揀，有美國進口牛肉、特選牛肉、頂級牛小排同澳洲和牛，可惜既係冇日本既牛肉食啦。今日揀左我覺得性價比幾高既美國特選牛肉Set既升級版，可以食埋日本鹿兒黑毛豬！！
呢到一入門口就見到一排野食，丸類有十幾二十款，蔬菜類都有好多，見到都洗得幾乾淨。放食物同醬料既位置都唔會油淋淋，成間舖比人感覺乾淨衛生，感覺良好。
相馬主要提供四人卡位，好多時兩個人都會被安排去四人枱。所以坐得好闊落舒服。
呢到除左火鍋外，仲可以任點炸物同串燒。炸物有十款揀，試左佢既多春魚同蝦，都好新鮮酥脆架！串燒有二十幾款揀，可以選擇醬燒或者鹽燒，基本上冇伏，而且拍得住串燒專門店tim。
呢隻特選牛肉應該係用牛肩胛，肉質偏瘦，而且都幾厚身，肉味重，但就略嫌嚡左啲啲。
另外試左佢普通既肥牛，口感唔錯喎，雖然望落油脂偏多，但入口有油香而不膩。
黑毛豬肉片肉質爽口，唔油膩，亦都十分推介。
最後可以玩埋佢既朱古力噴泉同埋食雪糕。呢到主要係東南亞口味既雪條，連榴槤味都有呀，正！！
總體呢到套餐選擇唔算多，但提供既配料都多，而且處理得乾淨，鐘意食肉味重既可以黎呢到試下。
Post
