Video
Read full review
2017-03-18
542 views
有一段時間無食日本放題啦。坊間好多放題都成日比人話「寫兩張先黎得果兩樣」、「漏晒啲單」等等。所以今次食放題都有呢啲concern，不過見朋友推介咁就一齊試啦。結果不負所望，又真係唔錯喔！1. 前菜劃紙之際已經餓到要出去攞啲前菜先。中華沙律、泰式辣鳳爪、芝麻豆腐等等都好正。我最鍾意係個中湯。超多湯渣喺入面，飲湯點可以只係得水，果啲料先係精華呀！不過葡撻就真係麻麻地，唔值得一試。2. 刺身拼盤主角出場啦！挪威三文魚件件超厚身，好有肉地。八爪魚片、帶子、鮑魚片都好新鮮！叫幾多黎幾多！回想返都覺得好正！3. 串燒其實佢既串燒都唔錯。首推「有機燒菠蘿」。超甜啖啖肉，中和返好油好炸既感覺。雞軟骨都唔錯！4. 卷物花之戀好正，必點！見到好多大大話飲品要揀「椰子水」回本，一眼望真係差唔多臺臺都攞咗呢個飲品。汽水梳打綠茶都有，令人驚喜竟然有熱既維他系列（維他奶、奶茶、麥精、菊花茶⋯）！好貼心！而甜品除左有豆腐花水果蛋糕，乳酪雪糕不可不試！配料仲有好多選擇添！二百零蚊有咁既食物質素，算係唔錯...遲啲再黎食☺
1. 前菜
中華沙律、葡撻等前菜
51 views
0 likes
0 comments
2. 刺身拼盤
刺身拼盤
63 views
0 likes
0 comments
3. 串燒
串燒
48 views
0 likes
0 comments
4. 卷物
卷物
28 views
0 likes
0 comments
見到好多大大話飲品要揀「椰子水」回本，一眼望真係差唔多臺臺都攞咗呢個飲品。汽水梳打綠茶都有，令人驚喜竟然有熱既維他系列（維他奶、奶茶、麥精、菊花茶⋯）！好貼心！
而甜品除左有豆腐花水果蛋糕，乳酪雪糕不可不試！配料仲有好多選擇添！二百零蚊有咁既食物質素，算係唔錯...遲啲再黎食☺
Post
