Video
Read full review
2019-11-10
342 views
一出尖沙咀堪富利士道出口就會見到呢間餐廳嘅燈箱，好搶眼又富有中國風，似做遊客生意🙈。望多兩望，派緊傳單嘅店員就好熱情走埋嚟叫我哋試下，話新開張有9折優惠。見係中式嘢，呀媽啱食，就跟咗佢上樓😂。上到去環境枱櫈都好有中國特色，幾骨子企理，原來一層面積唔算好大，餐廳佔兩層。食物選擇都好多下，種類由凉菜、小菜、湯、飯麵、點心到甜品通通都有，🌸花多眼亂。而且好多菜式都真係江浙上海特色菜，唔係普通酒樓有賣。除咗翅之外，價格都好相宜啊👍。小菜要咗鮮菌炒鱔糊🐟($108)，如果唔係同呀媽嚟食我唔會叫，因為怕鱔好多骨。但呢道菜竟然一改我印象，鱔肉一條骨都無(黃鱔細條啲)，口感幾正，而且配上幾種菇🍄一齊炒好夾，完全無下欄野，成碟都食得。一上碟時望落好深色，仲以為會好重口味咁，但又唔係啵，真心覺得好食😋，啱送飯。點心要咗蟹粉小籠包🥟(4隻)($58)，見而家係大閘蟹季節嘛，一籠熱辣辣送上，皮薄得嚟唔易穿，有肉汁，點埋醋食唔錯。涼菜要咗金陵鹽水鴨🐤($62)，呢到有幾款特色鴨，揀咗其中一款試。份量係例牌size，肉唔算多有骨，而且鹹咗少少，所以相對一般。另外要咗一碗餛飩雞湯🐔(位)($46)，得2個人所以叫唔
一出尖沙咀堪富利士道出口就會見到呢間餐廳嘅燈箱，好搶眼又富有中國風，似做遊客生意🙈。望多兩望，派緊傳單嘅店員就好熱情走埋嚟叫我哋試下，話新開張有9折優惠。見係中式嘢，呀媽啱食，就跟咗佢上樓😂。上到去環境枱櫈都好有中國特色，幾骨子企理，原來一層面積唔算好大，餐廳佔兩層。
食物選擇都好多下，種類由凉菜、小菜、湯、飯麵、點心到甜品通通都有，🌸花多眼亂。而且好多菜式都真係江浙上海特色菜，唔係普通酒樓有賣。除咗翅之外，價格都好相宜啊👍。
鮮菌炒鱔糊
$108
5 views
1 likes
0 comments
小菜要咗鮮菌炒鱔糊🐟($108)，如果唔係同呀媽嚟食我唔會叫，因為怕鱔好多骨。但呢道菜竟然一改我印象，鱔肉一條骨都無(黃鱔細條啲)，口感幾正，而且配上幾種菇🍄一齊炒好夾，完全無下欄野，成碟都食得。一上碟時望落好深色，仲以為會好重口味咁，但又唔係啵，真心覺得好食😋，啱送飯。
蟹粉小籠包
$58
2 views
1 likes
0 comments
點心要咗蟹粉小籠包🥟(4隻)($58)，見而家係大閘蟹季節嘛，一籠熱辣辣送上，皮薄得嚟唔易穿，有肉汁，點埋醋食唔錯。
金陵鹽水鴨
$62
6 views
1 likes
0 comments
涼菜要咗金陵鹽水鴨🐤($62)，呢到有幾款特色鴨，揀咗其中一款試。份量係例牌size，肉唔算多有骨，而且鹹咗少少，所以相對一般。
餛飩雞湯
$46
7 views
1 likes
0 comments
另外要咗一碗餛飩雞湯🐔(位)($46)，得2個人所以叫唔到一窩，純粹叫嚟試下，一盅份量都唔少，有一嚿雞同一隻餛飩，雞湯唔油咸咸哋好入味。
酒釀小圓子
$28
6 views
1 likes
0 comments
甜品有另一個胃消化，所以叫咗兩樣。酒釀小圓子(位)($28)，又係一盅咁上。酒味唔強，所以糯米嘅酸味反而仲出，我又鐘意食無餡嘅小丸子🍡，幾正。
江南白糖桂花糕
$32
31 views
1 likes
0 comments
仲有江南白糖桂花糕(4件)($32)，呢個其實唔似甜品，似點心多啲。實物同圖片一樣咁精緻，口感煙煙韌韌，加上好香桂花味，唔太甜，推介🤤。
總括嚟講，估唔到樣樣菜式都幾啱食，又好食，其中鱔糊同白糖糕最為推介。呢到有熱茶提供，好似係麥茶嚟，幾香又唔使收茶錢👍，而且全部餐具都好靚🍽。另外，店員好客有禮，主動提議甜品後上。呢到適宜有長輩嘅家庭聚餐或鍾意食中菜嘅人。
Post
