十大碗粥麵專家 (豉油街) (Closed)

見朋友介紹"十大碗" 粥麵, 即管來旺角新店試一試. 簡約的裝修, 光猛的燈光配醒神黃色的梳化看看餐牌分別有麵類, 粥品, 腸粉&小食. 第一次來就梗係試下店舖推介招牌炸両&蜆蚧鯪魚球, 另外叫多一碗荔灣艇仔粥每枱有一瓶酸白蘿蔔, 味道酸酸, 蘿蔔夠爽脆, 食完都幾醒胃招牌炸兩, 豉油另上. 腸粉皮薄薄滑滑, 炸兩脆卜卜, 另可點甜醬, 辣醬&芝麻醬,這個三色醬料都幾好味😋蜆蚧鯪魚球, 散叫分別有兩粒/四粒/六粒選擇, 而我們二人選擇了四粒, 份量剛剛好👍因為每粒鯪魚球的size比一個乒乓波還要大, 外表炸到金黃色, 有炸米粉碎, 食落去有脆脆口感, 鯪魚肉質非常好, 夠魚味, 彈牙, 內有蝦米乾. 這個極力推介😋👍👍荔灣艇仔粥, 粥底好, 材料與一般粥店艇仔粥 差不多, 有炸魚肚, 水魷, 肉絲, 魚片, 花生&蔥. 質素不過不失暫時食過以上食品都非常滿意. 下次來試試其他食品😬😬