牛極 (皇后大道東）

Open Now

Now Closed

收工後趕住去上堂，係合和中心附近搵到間平民得嚟又幾高質既石燒牛店，先係餐廳入口處既售票機購買及付款，店員會再安排座位同送上石燒牛，至於前菜同白飯就可以去自助區自行加配。沙律可以加配胡麻沙律汁或者柚子沙律汁，加左少少柚子汁係上面，食落又fresh又開胃。日式牛肉湯牛肉好鬆軟，而且好多蘿蔔、洋蔥等配料，飲落有少少似羅宋湯，幾好味。牛肩排 (180g)主菜好快就嚟左！上碟時上面用紙巾覆蓋住，避免啲油彈到周圍都係。牛肩排帶少少筋，鎖住啖啖肉汁，而且牛味好濃郁。$85就食到咁好味既牛，性價比真係幾高！