輝哥私房菜

Open Now

Now Closed

當去茶餐廳炒一個小菜都要八九十蚊， 不如變變地方去任食放題性價比可能仲化算吧！佐敦輝哥私房菜係無人不識，由衞里道搬到長樂街地方仲方便左tim! 晚市高質私房小炒放題任食海鮮組合， 海鮮小菜即叫即炒，的確係同朋友大宴親朋的好地方。一坐低望望張點菜紙有超過50款菜式任食 個肚已經打曬鼓。 肉蟹海螺元貝， 青口貴妃蚌蠔油水生蝦鮮魷顯聖子 全部都有得供應，而且想點烹調都得， 金銀蒜粉絲蒸北海道元貝， 油鹽水浸貴妃蚌， 橋底炒辣蟹， 豉油王煎游水海生蝦， 金莎蒸鮮魷， 豉椒炒蜆， 諗得出都有得供應。不得不提金銀蒜粉絲蒸北海道元貝，入口鮮甜。而蒸 貴妃蚌 口感煙韌有彈性, 超甜的說。-除咗海鮮亦都有各種游水鮮魚豉汁蒸黃立倉,果皮蒜蓉蒸深水泥鯭, 招牌凍大眼雞，剁椒蒸魚雲，啫啫白鱔煲全部都即叫即煮。-招牌凍大眼雞，魚味甚濃，肉質結實，蘸豆醬吃好食。不得不提附送的 海鮮拼盤凍食及燒鰻魚， 凍蝦爽口彈牙，燒鰻魚味濃肉爽彈。除咗海鮮仲有各色小炒小食， 輝哥小炒王粉絲蟹煲椒鹽和菠蘿咕嚕肉等等，輝哥小炒王 魷魚蝦乾腰果 夠鹹香，韭菜無渣。