富寶會所私房菜

Open Now

Now Closed

上星期屋企人生日就book咗呢間富寶會所私房菜❤️餐廳有得預早包場 仲有麻雀枱提供 成班親戚去呢到食嘢就啱晒🫶🏻推介以下呢幾個菜式✨❤️椰子雞湯幾鍾意飲呢到嘅椰子雞湯！飲到椰子嘅香味 雞湯嘅味道都好濃郁 非常之鮮甜🥰睇啲湯料 就知道真係落足料煲！❤️乳豬全體賣相相當吸引 乳豬已經切好晒一塊塊！擺盤都幾好睇😆乳豬外皮好香脆 而且肉同皮嘅比例啱啱好！❤️豉油王乾煎紅鬼蝦勁惹味嘅菜式！大大隻蝦好鮮甜多肉～🦐豉油爆一爆佢乾煎仲香！我仲提早聯絡咗餐廳，喺個大型螢幕到寫啲祝賀說話✨屋企人見到好驚喜好開心！▪️餐廳地址：九龍城侯王道28號一至2樓