Video
Read full review
2019-06-03
815 views
最近忙開始搞結婚嘅事，非常忙碌又大壓力，好需要見見朋友兼食餐好！去咗呢間元朗人推薦嘅私房菜～ Granada by JW。記得以前食過屋企附近嘅西班牙餐廳Granada，印象深刻，後來餐廳無再做仲覺得好可惜！最近先知原來老闆大廚有新定位，開咗間Granada by JW，私房菜形式，可以更加專心一致招呼客人。6-course 每位$658，雖然價錢喺元朗區算係幾進取，但食材上乘，環境亦偏向溫馨格調，無九龍區嘅餐廳咁焗束，我哋都覺得收費合理。1st course ：帶子‧海苔‧檸檬味帶子刺身用料新鮮，柔軟嘅帶子同爽脆嘅海葡萄形成口感上嘅對比，清新嘅檸檬汁珠珠亦增添帶子鮮味，係好聰明嘅配搭。海苔大廚特登整到淋身，但我就諗，如果紫菜做成脆口嘅口感，應該會更有層次呢。2nd course：火燙藍鰭吞拿‧魚子醬‧蘆筍藍鰭吞拿魚魚味極濃，入口軟滑無渣，加上魚子醬點綴，鮮味更加突出。36個月西班牙火腿‧車厘茄‧醋漬蒜頭‧橄欖Parma Ham份量不少，而且不愧係36個月，入口油香滿溢，鹹香十足，質感亦柔軟硬，鍾意食Parma ham嘅一定唔可以錯過！3rd course：周打魚蠔湯比想象中稀身，不過
去咗呢間元朗人推薦嘅私房菜～ Granada by JW。
記得以前食過屋企附近嘅西班牙餐廳Granada，印象深刻，後來餐廳無再做仲覺得好可惜！最近先知原來老闆大廚有新定位，開咗間Granada by JW，私房菜形式，可以更加專心一致招呼客人。
6-course 每位$658，雖然價錢喺元朗區算係幾進取，但食材上乘，環境亦偏向溫馨格調，無九龍區嘅餐廳咁焗束，我哋都覺得收費合理。
1st course ：帶子‧海苔‧檸檬味
帶子刺身用料新鮮，柔軟嘅帶子同爽脆嘅海葡萄形成口感上嘅對比，清新嘅檸檬汁珠珠亦增添帶子鮮味，係好聰明嘅配搭。海苔大廚特登整到淋身，但我就諗，如果紫菜做成脆口嘅口感，應該會更有層次呢。
2nd course：火燙藍鰭吞拿‧魚子醬‧蘆筍
藍鰭吞拿魚魚味極濃，入口軟滑無渣，加上魚子醬點綴，鮮味更加突出。
36個月西班牙火腿‧車厘茄‧醋漬蒜頭‧橄欖
Parma Ham份量不少，而且不愧係36個月，入口油香滿溢，鹹香十足，質感亦柔軟硬，鍾意食Parma ham嘅一定唔可以錯過！
3rd course：周打魚蠔湯
比想象中稀身，不過超鮮甜，開頭以為係用咗某D魚先會咁鮮，後來先知原來係加咗蠔！
4th course：龍蝦‧龍蝦汁
龍蝦爽口彈牙，非常新鮮，加上鮮甜度爆燈嘅龍蝦汁，每啖都迸發鮮味！推薦！
松葉蟹肉‧三文魚子‧海膽汁
呢三樣食材配搭起來其實本身就已經贏在起跑線，鮮甜嘅松葉蟹肉混合鮮味嘅海膽汁，面頭再擺上鹹鮮嘅三文魚子，正！
5th course：Daily Starter
今晚好正呀，有新鮮蟶子！蟶子巧妙地加入茴香，味道更有層次，面頭嘅黑魚子亦增添鮮味。蟶子鬆脆鮮甜，完全無沙！
6th course：招牌燒西班牙伊比利豬鞍架肉味濃郁，肉質細膩油潤，完全唔會嚡！雖然松露薯蓉都好食，但係我覺得唔駛蘸更加食到肉味！
另一道主菜我哋就揀咗烤日本海鯛魚(+$30)，海鯛魚表面烤得微微焦脆而內部柔軟，可惜嘅係魚味唔算好突出。
加$38點了一件朱古力慕絲蛋糕，不過就比較失望。朱古力用料未夠優質，甜度略高，大廚處理主菜方面明顯好好多呢！
Post
